Matiyu 12:10 - ALLALA KUMƐ

¹⁰ Kei do ye nyɔ min bole faganɛ a la kɔnɔ mɔgɛ donu bi nyɔ minnu bi a fɛ ka tɔgɛ sa Yisa la. Woletɔ anu ya a manyinika ko, “Ni mɔgɔ ya mɔgɔ dandan Sulen-Tele ma, wo si mala tɔn tinya, wa?”

Matiyu 12:10 Iomraidhean Croise

Aiseya 32:6

Kun-takolɔn si kuntanya-kumɛ le fɔ ka a miri ko-yogomɛnu ma. A kɛ-nya anubɛ a darɔ-kan, wo bɛɛ manɛ Alla manyini-fan le la. Mɔgɛ wo ti dɔgɔma di kɔnkɔtoe ma. A ti yi di kan-nagbalatoe ma.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Sakaraya 11:17

Mari ko saga-fɛ-birala-kuntan wo si halaki pɔ bawo a ara ala sagɛnu boloka. A ko alamɛ wo bole tɛgɛra a la kɛlɛ rɔ. A bolo-nyimama-yɛ ni tii fanani.

Matiyu 12:2

Farisinu ya wo yen tumɛ min, anu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”

Matiyu 19:3

Farisi donu nara a wara a kɔrɔbɔ tinɛ. Anu ya a manyinika ko, “Mala tɔn si sɔn ko a wa diya kei ye wati-wo-wati, a ni a ban ala musi la, wa?”

Maraka 3:2

Mɔgɛ donu fanan bi nyɔ minnu bi a fɛ ka Yisa maburi tɔn tinyana. Woletɔ anu ya anu yɛ bɛn a ma, ni a si kei wo lakɛndɛya Sulen-Tele ma.

Luka 11:54

Ni a si koe do fɔ min ma telen anu yala, anu bi a fɛ ka a bira koe wonu fɛ.

Luka 13:14

Dina-bon-kun-tigi diminyara ko Yisa ara dandanli kɛ Sulen-Tele ma. Woletɔ a ya a fɔ mɔgɛnu ye ko, “Tele wɔrɛ ye ma bolo, ma si to wɔlila minnu ma. A bɛnta, mɔgɛnu ni na tele wonu tɔ ka kɛndɛyɛ nyini kɔnɔ wo ma bɛn Sulen-Tele ma mumɛ!”

Luka 20:22

Nba, i miriya ye kama? Ka duti sara Romu nyamani-kun-tigi ma, wo telenta, ka, a sa wo nya?”

Luka 23:14

ka a fɔ anu ye ko, “Wo nara kei kɛ la n bara bawo wo ko a ye mɔgɛnu nasamala nun. Nba, n bara a fɛsɛfɛsɛ wo yala yan. Wo ya a maburi ko-yogomɛ minnu na, n ma a sɔn yen hali!

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Yɔni 5:10

Woletɔ Yahudiyanuna kun-tiginu ya a fɔ namarato-kɔrɛ wo ye ko, “Sulen-Tele le kɛ la. Ka ila nyandan lamini ka ta a la, i ye mala tɔn le tinyana wo la.”

Yɔni 5:3

Kirayato siyaman sanɛ wonu kɔrɔ, fiyɔnnu wo, namarɛnu wo, anubɛ minnu fɛrɛ-faganɛ a la. [Anu bi yi-ramagɛ makɔnɔna

Yɔni 7:23

Ni wo ya bilakore do lakemininya Sulen-Tele ma alako Musata tɔn kana tinya, nfenna wo ye diminyala nde ma ko n bara kei do lakɛndɛya Sulen-Tele ma?

Yɔni 8:6

Anu ya kɛ fɔ Yisa bira-koe le la alako anu si a maburi nya min. Kɔnɔ Yisa ya a madu ka sɛbɛli kɛ dugi ma a bolo-nɔlɔnɛ la.

Yɔni 9:16

Farisi donu ko, “Min ya kɛ ma, wo ma bɔ Alla warɛ bawo a ma Sulen-Tele-tɔn bira.” Kɔnɔ dogbɛrɛnu ko, “Hakɛ-tigi ye min na, wo si ke kabana-ko-wɔli kɛ sifanu kɛla, wa?” Nba, dan-nafarɛ kɛra anu tɛma.