Matiyu 11:5 - ALLALA KUMƐ

⁵ Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 11:5 Iomraidhean Croise

2 Mansɛnu 5:14

Makawandili-kan wo le ya a ma, Neyaman tara a ku Yorodan bɛ rɔ iko wɔrɔnfila iko Allata mɔgɛ ya a fɔ a ye nya min. A kɛndɛyara ken! A fɛrɛ nunkura a ma pinapina iko kemini-nawuli-san.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

Yaburi 146:8

A si fiyɔnnu yɛ laka. A si mɔgɔ-buinɛnu nasɔ. Telenbagɛnu di Mari ye.

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Bɔ-Koe-Iyipiti 4:11

Mari ya a fɔ a ye ko, “Yon ya mɔgɔ dɛ ladan? Yon si mɔgɔ ma bobe la? Yon ya mɔgɔ tole ladan ko a ni ko lamɔɛn? Yon si mɔgɔ tole gbere? Yon ya mɔgɔ yɛ ladan ko a ni fen yen anubɛ ka a lafiyonya? Nde, Mari le si wonu ma.

Aiseya 29:18

Wo tele wa ke tumɛ min, tolo-gberenu tole la si ka ka kɛdi wo karan-kan lamɔɛn. Fiyɔn min bara mɛ a bolo mɛmɛla pinpi rɔ, wonu yɛ la si ka ka fen yen.

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Aiseya 43:8

Alla ko ata mɔgɛ bɛɛ ni kundɛn kan-tina-kelen. Anu yɛ makanɛ kɔnɔ anu ti fen yen. Tole ye anu bolo kɔnɔ anu ti ko lamɔɛn.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Sakaraya 11:7

Woletɔ minta ye sagɛ wonu na, wonu ya nde, Sakaraya ma saga-fɛ-biralɛ la sagɛ wonu ye minnu bi nala fagala. N ya saga-lagbengben-kɔlɔma fila bi. N ya kelan wo tɔgɔ sa “Diyanayɛ,” n ya doi wo tɔgɔ sa “Kan kelan.” N ya saga-fɛ-biralayɛ dabira.

Matiyu 10:8

Wo ni kirayatoenu nakɛndɛya ka furinu nawuli. Wo ni kunatoenu nakɛndɛya ka nyinɛnu fanan gben. N bara sɛnbɛ wo di wo ma. Wo ma a sɔnkɔ bɔ, wo don ka a sɔnkɔ makele.

Matiyu 11:4

Yisa ya anu yabi ko, “Wo ye min namɔɛnna ka min tayen wo nyɛrɛ yɛ la, wo sɛgi ka wo dantɛgɛ Yɔni ye.

Matiyu 12:13

Wo kɔma, a ya a fɔ kei wo ye ko, “I bole rasagan.” A ya a rasagan. Nba a kɛndɛyara iko a bole doi.

Matiyu 21:14

Fiyɔnnu anubɛ minnu bi anu tonkanna, wonu nara a wara Alla-Bato-Bɔn la. A ya wonu nakɛndɛya.

Matiyu 5:3

A ko, “Mɔgɔ-sewanɛ le wo mɔgɛ la min si a yigi bɛɛ sa Alla rɔ bawo Alla min bi Arinyɛni tɔ, a si ata mansayɛ sɔrɔn!

Matiyu 9:30

Tiriyɛ wo rɔ, anu yɛ lakara. Yisa ya anu makawandi bɛrɛkɛ! A ko, “Wo kana kɛ fɔ mɔgɔ-wo-mɔgɔ ye de!”

Maraka 7:37

Min bɛɛ ya wo lamɔɛn, wonu kawara kati! Anu ko, “A ye koe bɛɛ kɛla a kin na! Hali tolo-gberannu, a ye wonu tole lakala ka bobenu nagan lafulen!”

Maraka 9:25

Yisa ya a yen ko nyama ye a gbɛrɛnna anu ma min kɛ, a ya nyina-yogomɛ wo makuma. A ko, “Ile, nyina bobo-tolo-gberan, n bi a fɔla i ye, bɔ dan kɛ fɛ. I kana bila a fɛ tun!”

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yɔni 10:25

Yisa ya anu yabi ko, “N bara ban wo fɔla wo ye nun kɔnɔ wo ma la n na. N ya kɛwɔlɛ minnu kɛ n Fala sɛnbɛ rɔ, kɛwɔlɛ wonu fanan bi sereyɛ bɔla nna ko la.

Yɔni 10:38

Kɔnɔ ni n ya n Fala kɛwɔlɛnu kɛ, a bɛnta, wo ni la kɛwɔli wonu denu na. Wo ni la wonu na, hali wo ma la nde la. Wo si a lɔn worɔ ko n Fa ye nde rɔ. Nde fanan bi ale rɔ.”

Yɔni 2:23

Yisa ye Kanan-Ko-Ladiyɛ rɔ Yerusalɛm tumɛ min, mɔgɔ siyaman ya ala ko-makawanɛnu yen min kɛ, anu dɛnkɛninyara a ma.

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Yɔni 9:7

A ya a fɔ a ye ko, “Ta i yɛ laku yi-kundunɛ rɔ min tɔgɛ Sailom.” (Sailom wo kɔrɛ le, “Kilayɛ.”) Kei wo tara a yɛ laku nyɔ. A yɛ-lakanɛ sɛgira a warɛ.

Kɛwɔlɛnu 2:22

“Wole Isirɛla mɔgɛnu, wo ni wo wɔlɔ matɔlɔ kumɛ kɛnu na! Yisa Nasarɛti kɛ, mɔgɛ le wo la nun Alla ya min sɔ. A ya ala sarati yira wo la nun kɛwɔli-sɛnbɛmɛnu anubɛ kabana-koenu anubɛ tamaserenu fɛ. Alla ya wonu kɛ ale fɛ, ado wole nyɛrɛ ya wo lɔn bawo a kera wo dama yala.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.