Matiyu 11:29 - ALLALA KUMƐ

²⁹ Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Matiyu 11:29 Iomraidhean Croise

2 Ko-Kɔrɔta-Karan 10:11

Wo kɔma, i ni a fɔ anu ye ko i fa ya dunɛ sigi anu kuma kɔnɔ ileta dunɛ si tenbi i fatɛ la. I ni a fɔ anu ye fanan ko i fa ya anu gbesi bosɛ le la kɔnɔ ileta bosa-dumɛ si wara anu ma iko bondalɛ wa mɔgɔ bon.”

Yaburi 116:7

N ya a fɔ n nyɛrɛ ma ko, “N bi hɔnna nfenna gbɛ?” Mari nyimayanɛ n ye.

Yaburi 131:1

E, Mari, n bara n boloka nta wasinteyɛ la. N bara n kan-kɔ sɔ n nyɛrɛ-kɔrɔtɛ la. N ti nyɛrɛ-kɔndɔfili-koe ladan tun. Ko-makawani-wɛnu bɔrɔ sa n ye tun.

Hɛnkilimaya-Kumɛnu 3:17

A si a ma, i niyi ra ni diya ka yisi-kimɛ di i ma i siyi-tele-bɛɛ kɔrɔ.

Aiseya 28:12

Mari ye lafɛrɛ anubɛ ko-nyimɛ dila wo ma nun kɔnɔ wo ya wo ban wo la a bolo.

Aiseya 29:19

Isirɛlata Mari Alla-sɛnimɛ ye sewɛ min dila mɔgɛnu ma, bolo-kolɔn anubɛ mɔgɔ-famayiginɛnu si wo sɔrɔn tun.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Yilan-Yilan Koe 12:3

(Hali wo, Musa, mɔgɔ-famayiginɛ le ka tenbi mɔgɛ bɛɛ la duninya kɛ rɔ.)

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 21:5

“A fɔ Mansa Dawudala so-burɔ-mɔgɛnu ye ko ala mansɛ ye nala a wara. A famayiginɛ. A siginɛ sofɛlɛ la. A siginɛ sofɛli-bulan la.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Matiyu 7:24

“Nba, mɔgɛ min bɛɛ ye nna kumɛ kɛ lamɔɛnna ka a bira, wo si ma iko kei-hɛnkilimɛ min ya ala bɔn sɔ fara-kole kuma.

Luka 8:35

Min mara, mɔgɛnu tara wo ragbɛ tinɛ. Anu nara Yisa wara ka kei wo siginɛ taran Yisa dafɛ. Nyinɛnu bara bɔ a fɛ, ado kurɛ ye a ma. A hɛnkili ma ara sɔ. Anu dama kilanta kati!

Yɔni 13:15

N bara min ma wo ye kɛ la, wo si a yira ko wo ni wo nyɔgɔn ma wo nyɔgɔn ye.

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

Kɛwɔlɛnu 7:37

Ale Musa le wo la min ya a fɔ Isirɛla mɔgɛnu ye ko Alla si nɛbi do lana anu ma iko a ya ale lana nya min, ado a si nɛbi wo yabɔ anu denuta mɔgɛnu tɛma.

1 Kɔrɛnti 9:21

N tenbi sibolo-gbɛrɛnu tɛma, n si n nyɛrɛ ma iko n sa Yahudiyanuta tɔnnu kɔrɔ lefan alako n ni sibolo-gbɛrɛnu masɔrɔn nya min bawo wonu sa anuna tɔnnu kɔrɔ. Ka a fɔ ko n sa Allala tɔn birala, wo ma de, ado n bi Kirasitita tɔn le kɔrɔ, yɔ!

2 Kɔrɛnti 10:1

Donu bi a fɔla nde, Pɔli ma ko n tenbi wo tɛma, n famayiginɛ kɔnɔ n ba bɔ wo fɛ tumɛ min, n kerinteyanɛ wo la. N bi a fɛ ka kuma wo ye dinyɛ anubɛ nyimayɛ la iko Kirasiti duruta a mala nya min nun.

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

Filipai 2:5

Kɛ-nya min bi Kirasiti Yisa bolo, wo ni wo le bi.

1 Tɛsalonaika 4:2

Mari Yisa ya ma sɔ kumɛ min fɔ-koe la wo ye, wo ya wo lɔn,

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!