Matiyu 11:25 - ALLALA KUMƐ

²⁵ Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 11:25 Iomraidhean Croise

Ko-Dabirɛnu 14:19

A duwara Burama ye, a ko, “Alla Min Bi Fan Bɛɛ Kun Na, min ya san-kole anubɛ dugu-kole dan, alamɛ wota duwɛ yigira i kuma.

Ko-Dabirɛnu 14:22

Kɔnɔ Burama ya a fɔ Sɔdɔm so-tigi wo ye ko, “Fɔ kɛlɛ-dannu ya minnu dɔn kilɛ la, n kan sa wonu ma. Wo kɔma, i ni n diyana-mɔgɛnutɛ bɔ nɔnfuli la minnu tara n fɛ kɛlɛ rɔ, Mamire anubɛ Aneri anubɛ Esikoli, kɔni. Kɔnɔ n bara lanyiri kiri Mari Alla ye min bi fan bɛɛ kun na, min ya san-kole anubɛ dugu-kole dan ko ile so-tigitɛ ye fan minnu na, hali wo sanbara-yili anubɛ yesekara-kolo kelan, n ti wonu bi i bolo. N bi wo tɛgɛla min ma, alako i kana a fɔ n kɔma ko i wara nde ma nɔnfulu-tigi la.”

2 Mansɛnu 19:15

A donta matarali-kɛ rɔ, a ko, “E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

1 Ko-Kɔrɔta-Karan 29:13

Woletɔ male ye baraka birala i ye ka tantolɛ di ile mata Alla ma.

Yobu 37:24

Mɔgɛ bɛɛ ye kawala a ma. Ni mɔgɛ min miri ko a hɛnkili kolo, Alla ti a wɔlɔ matɔlɔ wo tigi la.

Yaburi 8:2

Hali dennɛnu, wonu bi i matɔgɔ-siginu sala. Ile ye kan min, i yogenu ti ke i yakɔrɔ-mamɔla nyɔ. Min ba a ma ko a ye a sɔla i la, i si wo kasara.

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Daniyɛli 2:23

Woletɔ n benbanuta Alla, n bi i matɔgɔla ka i gbiliya. I wara hɛnkilimayɛ anubɛ fanka di n ma. I wara mata matarali-kan yabi. N bi minnu fɔla mansɛ ye, i wara wonu yira ma la.”

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Matiyu 21:16

Anu ya a fɔ Yisa ye ko, “Anu bi min fɔla, i sa wo lamɔɛnna?” Yisa ya anu yabi ko, “N bi a lamɔɛnna, yɔ! A sɛbɛnɛ Allata kitabu rɔ ko, ‘Dennɛnu bi tantoli-siginu sala a kilɛ fɛ.’ Wo ma wo karan bɛ, wa?”

Luka 22:42

A ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.

Yɔni 11:41

Anu ya kuri bɔ a dɛ la. Yisa ya a yɛ layɛlɛ san ma, a ko, “N Fa, n bi baraka birala i ye bawo i si i wɔlɔ matɔlɔ n na.

Yɔni 12:27

Yisa ko, “N yisi tɔrɔnɛ kaka. N si nfen fɔ? N kana a fɔ ko, ‘N Fa, i yandi, tɔrɛ kɛ kana na n ma,’ ado n nara wo lela ko la.

Yɔni 12:28

E, n Fa, ila gbiliyɛ yira mɔgɛnu na!” Wo kɔma, kuman-kan bɔra Arinyɛni tɔ, a ko, “N bara ban nna gbiliyɛ mayirala mɔgɛnu ye nun, ado n si a mayira tun.”

Kɛwɔlɛnu 17:24

Alla min ya duninya dan anubɛ fan min bɛɛ ye a rɔ, wo le ye san-kole anubɛ dugu-kole kun-tigi la. A sigini ma mɔgɛnuna bato-bon-sɔnɛnu na,

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

2 Kɔrɛnti 3:14

Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.