Matiyu 11:13 - ALLALA KUMƐ

¹³ Alla ya tɔn min di Nɛbi Musa ma anubɛ nɛbi doinuta kumɛ, wo bɛɛ ye Allala mansaya-koe fɔla ha ka ke Yɔnita wati kɛ ma.

Matiyu 11:13 Iomraidhean Croise

Malakayi 4:6

A ko wo si dannubɛ anu sɔrɔnbagɛnu yisi sa anu nyɔgɔn kuma. Ni anu ma sɔn tola ko kelen tɔ, a ko ale Mari si na ka wola nyamanɛ bɛɛ halaki.

Matiyu 11:12

Ka a dabira Yɔnila kawandili-bɔ-wati ma, ha ka a sigi bi tele nyɛrɛ la, karagbɛlɛnu bi anu tayala Allala mansayɛ kɛlɛla ka ala fanka bi anu nyɛrɛ ye fɔrɔsɛ la.

Matiyu 11:14

Nba, ni wo si la anuna kumɛ la, Yɔni le ale Nɛbi Ilaya wo la, a fɔra min ma ko a ye nala.

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Kɛwɔlɛnu 13:27

Yerusalɛm kɛnu anubɛ nyɔ-kun-tiginu, anu ma Yisa lɔn anu kisilɛ la. Hali nɛbinuna kumɛnu, anu bi minnu karanna Sulen-Tele bɛɛ ma, anu ma wonu nya-yen. Woletɔ anu ya Yisa yiliki min kɛ, wo ya a ma, nɛbinuna kumɛnu bɔra-a-la.

Romu 3:21

Kɔnɔ kaka, Alla si mɔgɔ latelen a nyɛrɛ ye nya min, wo ti ma tɔn-birɛ fɛ mumɛ! Mɔgɛ si telen Alla ye nya min, Nɛbi Musala tɔn-kitabu anubɛ nɛbinuta kitabunu ya wo ragbɛ ma ye.