Matiyu 10:6 - ALLALA KUMƐ

⁶ Kɔnɔ wo ye min mala, wo ta Isirɛla mɔgɛnu bara min filifilinɛ iko sagɛnu.

Matiyu 10:6 Iomraidhean Croise

Yaburi 119:176

Ni n tora yilan-yilanna iko saga-tununɛ, i ni i kolan layigi nde, ila wɔli-kɛlɛ ma alako n ni kanan bawo n ma ita tɔnnu boloka mumɛ!

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 50:6

Mari ko ala mɔgɛ kɛnu mani de nun iko sagɛ minnu bara tunu. Anuna kun-tiginu denu ya anu nasama kilɛ ma. Anuna kun-tiginu bara anu nayilan-yilan iko sagɛ minnu bara ta anu kun fɛ kɔnkɛnu ma. Anu ma anu bɔ-tinɛ lɔn, anu ma anu ta-tinɛ lɔn.

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 34:4

Minnuta ma gbɛlɛ, anu sa wonu dɛnbɛna. Minnu kirɛ, anu sa sɔnna wonu dandanna. Minnu tanbannɛ, anu sa wonuna tɛlɛnu makirila. Minnu tara anu kun fɛ, anu sa wonu kunyɛ lasɛgila a rɔ. Minnu tununta, anu sa wonu nyinina. Anu ti wo fenfen ma fɔ ka anu bira boloko-yogomɛ-kɛ.

Isikiyɛli 34:6

Woletɔ nta sagɛnu tara anu kun fɛ kɔnkɔ-layan-bɛnu anubɛ gburukulinu ma. Anu ta ara nyɛnsɛn dugi kuma, ado mɔgɔ-wo-mɔgɔ ma anu nyini.

Isikiyɛli 34:8

Nde, Mari min bi n niyi la, n bara n keli n nyɛrɛ rɔ ko fɔ anu ni anu tole masɔ le serr! Sogo-feremɛnu bara nna sagɛnu dɔn bawo anu fɛ-birala sa. Nna saga-fɛ-biralɛnu ma anu nyɛrɛ tɔrɔ sagɛnu nyinina lefan! Anu bi anu nyɛrɛ le dɔrɔn fɛ-birala, sagɛnu ma de!

Matiyu 18:10

“Wo ni a ma wo fɛrɛma, wo kana dennɛ kɛ kelen bɛrɛn nafɛya. N bi a fɔla wo ye ko anuna kandan-melikanu bi Arinyɛni tɔ. Anu bi n Fa Alla da kɔrɔ Arinyɛni tɔ wati bɛɛ. [

Matiyu 18:11

Minnu bara anu bɔ Allata kilɛ fɛ, nde, Hadama-dan nara wonu denuna ko la.]

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 18:6

Kɔnɔ tɔ-a-la, anu ya a sɔsɔ ka a manyini. Woletɔ a ya ala duruki ragbɔngbɔn anu kan ma. A ya a fɔ anu ye ko, “Ni wo halakira, wo ti mɔgɔ ta-a-la! Nta sa a rɔ. Ka a dabira bi ma, n si ta sibolo-gbɛrɛnu wara la.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɛwɔlɛnu 3:26

Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.