Matiyu 10:4 - ALLALA KUMƐ

⁴ Saimon (min si kɛlɛ kɛ ala nyamanɛla ko la) anubɛ Yudasi-Isakariyati min ya Yisa don a yogenu bolo tɔ.

Matiyu 10:4 Iomraidhean Croise

Matiyu 26:14

Nba, ala karan-den tan-ni-filɛ rɔ, kelen bi nyɔ min tɔgɛ Yudasi-Isakariyati. Wo tara saraka-masɔla-wɛnu bara.

Matiyu 26:15

A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

Matiyu 26:2

“Iko wo ya a lɔn nya min, a ara to tele fila, Kanan-Ko-Ladiyɛ ni ke. Nba, anu si nde, Hadama-dan don n yogenu bolo tɔ. Anu si n gbangban kɔlɔma ma.”

Matiyu 26:47

A ye kumɛ wo kun na tumɛ min, Yudasi min bi Yisala karan-den tan-ni-filɛ tɛma nun, wo nara. Saraka-masɔla-wɛnu anubɛ Yahudiya-kɛmɔgɛnu ya nyama min sɔ, wonu bi a fɛ. Faannu anubɛ gbelekɛnu bi wonu bolo.

Matiyu 27:3

Yudasi min ya Yisa don anu bolo tɔ, wo ya a yen tumɛ min ko anu bara Yisa yiliki, a nimisara. A ya wodi-gbɛ bi-sawɛ wo lasɛgi saraka-masɔla-wɛnu anubɛ Yahudiya-kɛmɔgɛnu ma.

Maraka 14:10

Wo kɔma, ala karan-den tan-ni-filɛ tɛma, karan-den kelen min tɔgɛ Yudasi-Isakariyati, wo tara saraka-masɔla-wɛnu bara Yisa don-koela ko la.

Maraka 14:43

A ye kumɛ wo kun na tumɛ min, Yudasi min bi Yisala karan-den tan-ni-filɛ tɛma nun, wo nara. Saraka-masɔla-wɛnu anubɛ tɔn-karan-mɔgɛnu anubɛ Yahudiya-kɛmɔgɛnu ya nyama min sɔ, wonu bi a fɛ. Faannu anubɛ gbeleka-kundinu bi wonu bolo.

Luka 22:3

Yudasi-Isakariyati min bi Yisala karan-den tan-ni-filɛ do la, Setanɛ donta wo yisi rɔ.

Luka 22:47

Yisa ye wo fɔɛ kun na tumɛ min, nyama nara. Yudasi min bi Yisala karan-den tan-ni-filɛ do la nun, wo sɔnɛ nyama yarɔ. A nara Yisa wara ka a sunbu.

Yɔni 13:2

Nba, Setanɛ ara ban Yisa maburi-koe donna Saimonna dan Yudasi Yisikariyɔti yisi rɔ nun. Yisa ya a lɔn ko a Fa ara sɛnbɛ-kanbalinɛ di a ma nun. A ya a lɔn fanan ko a bɔra a Fa Alla wara, ado a ye nala sɛgila nyɔ le tun. Nba, anubɛ ala karan-dannu bi fen dɔn la tumɛ min, Yisa ya a lasɔ ka bɔ tebulu wara la. A ya ala duruku-ba bɔ a kan na ka fanɛ kiri a bu tɛma.

Yɔni 6:64

Hali wo, donu bi wo tɛma minnu ma dɛnkɛninya nde ma.” (Kebi ala karan dabira fɔlɔtɛ, Yisa ya wonu denu lɔn minnu ti dɛnkɛninya a ma anubɛ min si a don a yogenu bolo tɔ.)

Yɔni 6:71

A ya kumɛ kɛ fɔ bawo a miri ye Saimon Yisikariyɔtila dan Yudasi ma bawo Yudasi Yisikariyɔti ye Yisala karan-den tan-ni-filɛ tɛma nun. Kɔnɔ hali wo, ale le ye nala Yisa maburila.

Kɛwɔlɛnu 1:13

Anu donta Yerusalɛm. Anu yiyanɛ san-bɔn min na, anu yɛlɛta nyɔ rɔ. Minnu bi nyɔ nun, wo le Pita wo, Yɔni wo, Yemesi wo, Anduru wo, Filipi wo, Tamasi wo, Batalamiyu wo, Matiyu wo, Alafala dan Yemesi wo, ale Saimon min si kɛlɛ kɛ ala nyamanɛla ko la wo, anubɛ Yemesila dan Yudasi.

Kɛwɔlɛnu 1:25

a ni to Yudasi gbɛ rɔ kilaya-kɛ-tinɛ, wo yira ma la, ado Yudasi kɛ ya ma boloka ka ta atɛ sɔrɔn.”