Matiyu 10:23 - ALLALA KUMƐ

²³ Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Matiyu 10:23 Iomraidhean Croise

Yɛrɛmaya 26:21

A lamɔɛn Mansa Yahoyakim anubɛ ala kɛlɛ-dannu anubɛ ala mɔgɔ-banu bolo, ale Yuraya faga-sɔgɛ ya mansɛ bira. Wo lamɔɛn Yuraya bolo, a ya a buri tala Iyipiti kilan bolo.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 16:28

Wo ni wo hɛnkili to kɛ ko! Donu bi yan, wonu ti faga ha anu ni nde, Hadama-dan, yen nala nta mansayɛ rɔ.”

Matiyu 2:13

Wo kɔma, Marita melika bɔra gbɛ rɔ Yusufu ye kiyo rɔ. A ko, “I lasɔ. I ni dennɛ anubɛ a na bi ka wo buri ka ta Iyipiti nyamanɛ rɔ. Hɛrodi kɛ si dan kɛ nyini a faga-koe la. Wo ni to nyɔ ha n ni a fɔ i ye tumɛ min ko wo ni bɔ nyɔ.”

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Matiyu 23:36

Wo ni wo hɛnkili to kɛ ko! Wole si tɔrɔyɛ sɔrɔn wo damala ko la!

Matiyu 24:27

Iko banda-nyin-masɔgɛ si ke tele-bɔɛ ka ta tele-yigi, nde, Hadama-dan si na wo nya le tiriya!

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Matiyu 24:34

Wo ni wo hɛnkili to kɛ ko! Yanni mɔgɛ wo bɛɛ ni faga, koe kɛ bɛɛ si bɔ-a-la.

Matiyu 24:48

Kɔnɔ wɔli-kɛla-yogomɛ si a fɔ a nyɛrɛ ma ko, ‘N tigi sa nala fɔlɔn,’

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Matiyu 26:64

Yisa ya a fɔ a ye ko, “Iko i ya a fɔ nya min, a ye wo nya le, yɔ! Kɔnɔ n ni a fɔ wo dama ye ka a dabira bi ma, wo si nde, Hadama-dan siginɛ yen Sɛnbɛ Bɛɛ Tigi kɔɛn-nyimɛ rɔ. Wo si n namatoe yen banda-fin-gbɛ rɔ!”

Matiyu 4:12

Yisa ya a lamɔɛn tumɛ min ko anu bara Yɔni-Batasi-Kɛlɛ sa yele la, a tara Kalili sigisɔn rɔ.

Maraka 13:26

Mɔgɛnu si nde, Hadama-dan yen nala banda-fin-gbɛ rɔ sɛnbɛ-ba anubɛ gbiliya-wɛ la n bolo.

Luka 18:8

N ni a fɔ wo ye, a si kiti tɛgɛ a kilɛ fɛ ka a ma tiriya! Kɔnɔ nde, Hadama-dan wa na tun, n si dɛnkɛninyɛ taran duninya rɔ, wa?”

Luka 21:27

Nba, nde, Hadama-dan si bɔ gbɛ rɔ wo wati rɔ. N bi nala banda-fin-gbɛ rɔ sɛnbɛ anubɛ gbiliya-ba rɔ.

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Kɛwɔlɛnu 17:10

Suyi kera nya min wo, Marita mɔgɛnu ya Pɔli anubɛ Sailasi lata Bɛriya soe burɔ. Anu kera Bɛriya tumɛ min, anu tara Yahudiya-dina-bɔn la.

Kɛwɔlɛnu 17:14

Tiriyante wo rɔ, Marita mɔgɛnu ya Pɔli lata kɔgɔ-yi dafɛ kɔnɔ Sailasi anubɛ Timoti tora Bɛriya.

Kɛwɔlɛnu 20:1

Sɔnkɔ-sɔnkɛ banta tumɛ min, Pɔli ya dɛnkɛninya-mɔgɛnu kele anu nyɔgɔn fɛ ka anu sɛnbɛ don. A ya a masara anu na ka Masidoniya nyamanita-kilɛ bira.

Kɛwɔlɛnu 8:1

Sɔli sɔnta Sitifen faga-koe ma. Marita mɔgɛ donu ya Sitifen togon ka di ala ko la bɛrɛkɛ! Tɔrɔya-ba wulita Allata mɔgɛnu kan ma Yerusalɛm soe burɔ wulɔn tele. Dɛnkɛninya-mɔgɛ bɛɛ nyɛnsɛnta Yudiya anubɛ Samariya nyamanɛ bɛɛ rɔ fɔ Marita kilayɛnu.