Matiyu 10:20 - ALLALA KUMƐ

²⁰ bawo wo ye min fɔla, wota kuma ma wonu na. Kumɛ wonu bi bɔla wo Fa Allala Ni-Sɛnimɛ le bolo min bi kumala wo rɔ.

Matiyu 10:20 Iomraidhean Croise

2 Samuwɛli 23:2

“Marita Ni-Sɛnima kumara n ye. Ala sarakanɛ wo ye n da rɔ.

Bɔ-Koe-Iyipiti 4:12

Woletɔ, ta fasai, n si i labila. A bɛnta, i ni min fɔ, n si i karan wo la.”

Matiyu 6:32

(Hali Alla-lɔnbɛlɛnu bi nyinina kɛnu denu ma tuma-wo-tuma.) Kɔnɔ wo Fa Alla min bi Arinyɛni tɔ, wo ya a lɔn ko wo makoe ye fan kɛ bɛɛ la.

Maraka 12:36

Mansa Dawuda ye a fɔla Allata Ni-Sɛnimɛ baraka rɔ ko, ‘Mari ya a fɔ n Mari ye ko a ni a sigi a bolo-nyimama-kɔɛn wara la ha ale Mari ni a yogenu sa a tontɛ kɔrɔ.’

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Luka 12:12

Bawo a bɛnta, wo ni min fɔ wati kelan wo rɔ, Allata Ni-Sɛnimɛ si wo karan wo la.”

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Kɛwɔlɛnu 13:9

Nba, Sɔli, anu bi min kelela fanan ko Pɔli, wo fanɛ Allata Ni-Sɛnimɛ la min kɛ, a ya a yɛ gbala kofo-dan wo la sin!

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 28:25

Woletɔ anu wulita bɔla kelen-kelenyɛ ma bawo anu sa kan kelen tɔ. Pɔli ya a fɔ ko, “Allata Ni-Sɛnimɛ ya tonyɛ fɔ ma benbanu ye Nɛbi Aiseya baraka rɔ.

Kɛwɔlɛnu 4:8

Pita fanɛ Allala Ni-Sɛnimɛ la min kɛ, a ya Isirɛla kun-tiginu anubɛ mɔgɔ-banu yabi ko,

Kɛwɔlɛnu 6:10

Kɔnɔ Allata Ni-Sɛnimɛ ya hɛnkili di Sitifen ma kosɛbɛ! A wa kuma tumɛ min, anu ti ke a nɔla kumɛ rɔ.

2 Kɔrɛnti 13:3

N tenbi kumala, n si a yira wo la kuma tinɛ ko Kirasiti le kumala wo ye. Kirasiti wa a lagbɛlɛya wo kuma tumɛ min, wo si a yira ko a rafagani ma. A sɛnbɛ kolo wo tɛma.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.