Matiyu 10:2 - ALLALA KUMƐ

² Kilaya tan-ni-filɛ wonu tɔgɛ le kɛnu na. Saimon (min tɔgɔ fanan Pita) anubɛ wo na-kelen-nyɔgɛ Anduru anubɛ Sɛbɛdila den Yemesi, wonubɛ wo na-kelen-nyɔgɛ Yɔni.

Matiyu 10:2 Iomraidhean Croise

Matiyu 17:1

Tele wɔrɔ kɔma, Yisa ya Pita bi anubɛ na-kelenmɛ filɛ, Yemesi anubɛ Yɔni, kɔni. Anu bilara a fɛ ka ta kɔnkɔ-layan-bɛ do kuma anu dan na.

Matiyu 20:20

Sɛbɛdila musi anubɛ ala dannu Yemesi anubɛ Yɔni nara Yisa wara. Musi wo ya a nyɛnkin Yisa kɔrɔ ka a matara koe do ma.

Matiyu 26:37

A tara Pita anubɛ Sɛbɛdila den mɔgɔ filɛ la a bolo. A yisi tɔrɔnɛ kati!

Matiyu 4:18

Yisa ye tagamana Kalili dalɛ dafɛ tumɛ min, a ya na-kelen-nyɔgɔma fila yen, Saimon (min tɔgɛ fanan Pita) anubɛ Anduru. Wonu bi yɛgɛ birala yalɛ la dalɛ rɔ bawo anu denuta wɔlɛ le wo la.

Matiyu 4:21

A tenbira nyɔ. A ya na-kelen-nyɔgɔma fila gbɛrɛ yen, Yemesi anubɛ Yɔni, kɔni, Sɛbɛdila dannu. Anubɛ anu fa siginɛ anuna kulɔn rɔ anuna yalɛnu tabɛn tinɛ. Yisa ya anu kele.

Maraka 1:29

Anu bɔɛ Yahudiya-dina-bɔn la, anu tara Saimon anubɛ Anduru warɛ kelenna! Yemesi anubɛ Yɔni bilara anu fɛ.

Maraka 13:3

Yisa ya a mayigi Ɔlifi kɔnkɛ kuma Alla-Bato-Bɔn telen tɔ tumɛ min, Pita, Yemesi, Yɔni, anubɛ Anduru nara a wara dogɔn rɔ.

Maraka 6:30

Yisala kilayɛnu sɛgira a wara. Anu ya koe min bɛɛ kɛ, anubɛ ka mɔgɛnu karan nya min, anu ya wo bɛɛ rakaran Yisa ye.

Luka 11:49

Wola ko la, Alla anubɛ ala hɛnkilimayɛ ko a si nɛbinu anubɛ kilayɛnu sɔ wo benbanu bara. Anu si donu faga anu tɔ ka donu bɛnsɛnkɔninya.

Luka 22:14

Kima-dɔn-wati kera tumɛ min, Yisa sigira tebulu la anubɛ ala kilaya tan-ni-filɛ.

Luka 22:8

Yisa ya Pita anubɛ Yɔni sɔ. A ya a sara anu na ko, “Wo ta Kanan-Ko-kimanɛ rabɛn ma ye.”

Luka 5:10

Saimon ta-nyɔgɛnu, Sɛbɛdila dannu fanan kawara, Yemesi anubɛ Yɔni, kɔni. Yisa ya a fɔ Saimon ye ko, “I kana kilan. Ka a dabira bi ma, i si mɔgɛnu bira, yɛgɛ ma tun.”

Luka 9:10

Yisala kilayɛnu sɛgira. Min bɛɛ mara, anu ya wo dantɛgɛlɛ sa Yisa ye. A tara anu na anu dan na soe do rɔ min tɔgɛ Bɛti-Sayida.

Yɔni 12:22

Filipi tara a fɔ Anduru ye. Anu filɛ bɛɛ tara ka wo fɔ Yisa ye.

Yɔni 13:23

Yisa ya ala karan-dan min keni bɛrɛkɛ, wo siginɛ Yisa dafɛ.

Yɔni 20:2

A burimatoe tara Saimon Pita warɛ anubɛ Yisa diyana-karan-dan. A ya a fɔ anu ye ko, “Anu bara Mari furi labɔ kanbɛ rɔ. Anu bara a sa kan min, ma ma nyɔ lɔn!”

Yɔni 21:2

Yisala karan-dan minnu nadɛnnɛ nun, wo le kɛnu na—Saimon Pita wo, Tamasi wo (anu bi min kelela ko, “Fɛran”), Nataniyɛli wo (min bɔra Kalili-Kena soe burɔ), Sɛbɛdila dannu wo, anubɛ ala karan-den fila gbɛrɛ fanan.

Yɔni 21:20

Pita ya a tintan ka Yisa diyana-karan-dan yen a kɔma, ado wo siginɛ Yisa dafɛ fen dɔn tinɛ nun. Ale le ya nyinikali kɛ nun ko, “Mari, yon si i maburi?”

Yɔni 21:24

Karan-dan wo ara koe kɛnu fɔ ka anu sɛbɛ fanan. Ma ya a lɔn ko a ya min fɔ, tonyɛ le.

Yɔni 6:67

Woletɔ Yisa ya a fɔ ala karan-den tan-ni-filɛ ye ko, “Wole don, wo fanan bi a fɛ, wo ni bɔ n fɛ, wa?”

Yɔni 6:70

Yisa ya anu yabi ko, “Nde le ya wo mɔgɔ tan-ni-filɛ bɛɛ yabɔ. Hali wo, kelen bi wo tɛma, wo ye Setanɛla wɔli kɛla kaka!”

Yɔni 6:71

A ya kumɛ kɛ fɔ bawo a miri ye Saimon Yisikariyɔtila dan Yudasi ma bawo Yudasi Yisikariyɔti ye Yisala karan-den tan-ni-filɛ tɛma nun. Kɔnɔ hali wo, ale le ye nala Yisa maburila.

Yɔni 6:8

Ala karan-dan Anduru, Saimon Pita na-kelen-nyɔgɛ wo ko,

Kɛwɔlɛnu 1:13

Anu donta Yerusalɛm. Anu yiyanɛ san-bɔn min na, anu yɛlɛta nyɔ rɔ. Minnu bi nyɔ nun, wo le Pita wo, Yɔni wo, Yemesi wo, Anduru wo, Filipi wo, Tamasi wo, Batalamiyu wo, Matiyu wo, Alafala dan Yemesi wo, ale Saimon min si kɛlɛ kɛ ala nyamanɛla ko la wo, anubɛ Yemesila dan Yudasi.

Kɛwɔlɛnu 1:26

Wo kɔma, anu ya korɔn lakɛ mɔgɔ filɛ wonu tɛma. Korɔn ya Matiyasi yabɔ. A kofura kilaya tan-ni-kelannu ma.

Kɛwɔlɛnu 12:2

A ya kɛlɛ-dannu sɔ Yɔni na-kelen-nyɔgɛ Yemesi ma ka a kan natɛgɛ,

Kɛwɔlɛnu 3:1

Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ.

1 Kɔrɛnti 15:7

Wo kɔma, a bɔra gbɛ rɔ Yemesi anubɛ kilayɛ bɛɛ ye.

Ɛfɛsa 4:11

Ale le ya “kɔ-fan di mɔgɛnu ma.” A ya donu ma Kirasitita kilayɛnu na ka donu ma nɛbinu na. A ya donu ma kibara-nyima-fɔlɛnu na ka donu ma mɔgɔ-manugunɛgɛlɛnu na minnu si mɔgɛnu karan Allala kumɛ ma.

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

1 Pita 1:1

Nde, Pita le ye kɛdi kɛ sɛbɛla, Yisa Kirasiti ya nde min sɔ, ala kilayɛ, kɔni. N bi a lakela wole Allala mɔgɔ yabɔnɛnu ma minnu manɛ iko kɛlɛ-kɔrɔ-maburilɛnu. Wo nyɛnsɛnnɛ Ponta anubɛ Kalesiya anubɛ Kapadosiya anubɛ Esiya anubɛ Baitiniya nyamanɛnu tɔ.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

2 Yɔni 1:1

Ka bɔ nde kɛmɔgɔ-ba bolo, ka a lake ile musi ma, Alla ya min yabɔ anubɛ ila dannu. Wo di n ye bɛrɛkɛ! Kɔnɔ nde kelen dɔrɔn ma. Tonyɛ di min bɛɛ ye, wo di wonu fanan ye.

3 Yɔni 1:1

Kɛdi kɛ bɔra nde, kɛmɔgɛ le bolo, ka a lata n diyana-mɔgɛ Keyasi ma min di n ye bɛrɛkɛ!

Lankɛnimayɛ 1:1

Yisa, Allata-Mɔgɔ-Yabɔnɛ ya koe minnu yira, wonu denu sɛbɛnɛ kitabu kɛ rɔ. Alla le ya wonu di a ma alako koe minnu ti mɛ nala, a ni wonu yira Allata wɔli-kɛlɛnu na, ado Kirasiti ya ala melika sɔ ka ala wɔli-kɛla Yɔni lalɔn-koe wonu na.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 22:8

Nde, Yɔni ya koe kɛnu namɔɛn ka wo bɛɛ yen ko-rayirɛ rɔ. Nba, n banta anu namɔɛnna tumɛ min ka anu yen, melika min ya koe kɛnu yira n na, n ya n sa wo kɔrɔ a bato tinɛ.