Matiyu 1:21 - ALLALA KUMƐ

²¹ A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Matiyu 1:21 Iomraidhean Croise

Ko-Dabirɛnu 17:19

Alla ya a yabi ko, “N bara i kan lamɔɛn Sumanyilala ko la. Nta duwɛ si to ale kuma. Bɔnsɔn tan-ni-fila si bɔ ale rɔ. N si a bɔnsɔn wonu nasiyaya bɛrɛkɛ! Kɔnɔ ila musi Sira si den-kei sɔrɔn yati! I si a tɔgɔ sa Isiyaka. N si nta lanyiri latɔnbagaya ala dan wo ye ka a ma habadan-lanyiri la ale anubɛ a bɔnsɔnnu ye. Kɛ nyɔgɔn tumɛ yari, Sira si dan kɛ sɔrɔn i ye.”

Ko-Dabirɛnu 18:10

Mari ya a fɔ Iburayima ye ko, “Kɛ nyɔgɔn wati yari, n si sɛgi i warɛ yan tɔ. Ila musi Sira si den-kei sɔrɔn.” Sira tole masɔnɛ fani-bɔn dɛ la anu kɔma kilɛ la.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 1:25

kɔnɔ a ma a latenbi a kɔma ha a ya dan wo sɔrɔn. Yusufu ya a tɔgɔ sa Yisa.

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:31

I si buyi bi ka den-kei sɔrɔn. I si a tɔgɔ sa Yisa.

Luka 2:11

Wo kisilɛ ara sɔrɔn suyi kɛ nyɛrɛ rɔ Mansa Dawuda halala-soe burɔ. Allata-Mɔgɔ-Yabɔnɛ le wo la, Mari, kɔni!

Luka 2:21

A tele segin nyɔgɛ, dennɛ lakemininya tumɛ kera. Anu ya a tɔgɔ sa Yisa iko melika ya a fɔ a na ye nya min yanni a ni a buyi bi.

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Yɔni 4:42

Minnu dɛnkɛninyara, wonu ya a fɔ musi wo ye ko, “Ma ara dɛnkɛninya kaka kɔnɔ ma ma dɛnkɛninya ila kumɛla ko la de! Ma lara a la bawo male nyɛrɛ ara a kan lamɔɛn. Male ya a lɔn serr, ko duninya-kisilɛ le ale la.”

Kɛwɔlɛnu 13:23

Alla ya lanyiri kiri ko Mansa Dawuda kegeyɛ do si ma Isirɛla mɔgɛnuna kisilɛ la, ado Yisa le wo mɔgɛ la.

Kɛwɔlɛnu 3:26

Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”

Kɛwɔlɛnu 4:12

ado Alla ara tɔgɔ kelen pe min di mɔgɛnu ma anu si kisi min fɛ, wo tɔgɔ-gbɛrɛ sa duninya rɔ fɔ ale Yisa tɔgɔ kelen pe.”

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

1 Yɔni 3:5

Iko wo ya a lɔn nya min, Kirasiti bɔra gbɛ rɔ alako a ni ma hakɛ bɔ ma ma, ado ale nyɛrɛ ma hakɛ kɛ mumɛ!

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

Kɛlɛ-Kurugbɛnu 13:3

Mari bɔra gbɛ rɔ melikala muninyɛ rɔ musi wo ye. A ko, “Gbandɛ le ile la kɔnɔ a ti mɛ tun, i si buyi bi ka den-kei sɔrɔn.

1 Samuwɛli 1:20

A ya buyi bi. Wati tenbinɛ, a ya dan sɔrɔn, den-kei. A ya dan wo tɔgɔ sa Samuwɛli bawo tɔgɛ wo kɔrɛ le, “A matarata Mari le ma.”