Matiyu 1:20 - ALLALA KUMƐ

²⁰ Nba, Yusufu ye a mirila koe kɛ ma tumɛ min, Marita melika bɔra a ye gbɛ rɔ kiyo rɔ. A ko, “Yusufu, Dawuda bɔnsɔn, i kana kilan Mariyama bi-koe la ka a ma ila musi la. A ara buyi min bi wo la, Allala Ni-Sɛnimɛ kɛwɔlɛ le wo la.

Matiyu 1:20 Iomraidhean Croise

Ko-Dabirɛnu 31:11

Alla nara melikala muninyɛ rɔ kiyo wo rɔ, a ko, ‘Yakoba.’ N ya a labira.

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

1 Mansɛnu 17:13

Nɛbi Ilaya ya a fɔ a ye ko, “Wo hɔnya kana sigi i kan la. I wa ke bɔn la, i ni biredi-nɛ do ladan nde fɔlɔn ye ka bɔ ila dɛgɛ-munke wo rɔ. I ni na wo don n bolo. Wo kɔma, i ni na to tala a toe ladanna wobɛ ila dan ye.

1 Mansɛnu 3:5

Mari bɔra gbɛ rɔ Mansa Silamɛni ye kiyo rɔ Kibiyon soe burɔ ka a fɔ a ye ko, “A sɔgɛ ye i la, n ni nfen di i ma?”

Yaburi 119:125

Ita wɔli-kɛlɛ le nde la. Ko-kɔrɔ-lɔn di n ma woletɔ n si ita karan nya-yen.

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 94:19

N hɔnta tuma-wo-tuma, i si n nadiya ka sewɛ di n ma.

Hɛnkilimaya-Kumɛnu 12:5

Mɔgɔ-latelennɛ le si a miri telenbagayɛ ma kɔnɔ mɔgɔ-yoge-miriya bɛnnɛ yanfanteyɛ le ma.

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Yɛrɛmaya 31:22

Wole minnu bara wo kan-kɔ sɔ Mari la, wo si to dɛnkɛninyabɛlitayɛ kɛ rɔ ha tumɛ nyamintan? A manɛ iko Mari ara ko kurɛ do dabira. Wo makawara iko musi tenbi kei kumafunfanna.

Yɛrɛmaya 33:26

Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Yɛrɛmaya 40:9

Kɛdalaya ya a keli anu ye ko, “Wo kana kilan ka dɛgɛ min Babilɔn kɛnu ye. Wo ni wo sigi nyamanɛ kɛ rɔ. Wo ni wɔli Babilɔn mansɛ kɔrɔ. Wo wara-koe si ta a kilɛ fɛ.

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Matiyu 1:18

Allata-Mɔgɔ-Yabɔnɛ, Yisa sɔrɔnta nya min, wo le kɛ la. A na Mariyama mabiranɛ Yusufu le bolo nun. Kɔnɔ yanni anu ni a latenbi ala kei ma, Mariyama tɛrɛnara a kolomɛ la Allala Ni-Sɛnimɛ sɛnbɛ bolo.

Matiyu 2:12

Kɔnɔ Alla ya hɛnkilimɛ wonu nalɔn kiyo rɔ ko anu kana sɛgi Mansa Hɛrodi wara tun, woletɔ anu sɛgira anu barɛ kila-gbɛrɛ fɛ.

Matiyu 2:13

Wo kɔma, Marita melika bɔra gbɛ rɔ Yusufu ye kiyo rɔ. A ko, “I lasɔ. I ni dennɛ anubɛ a na bi ka wo buri ka ta Iyipiti nyamanɛ rɔ. Hɛrodi kɛ si dan kɛ nyini a faga-koe la. Wo ni to nyɔ ha n ni a fɔ i ye tumɛ min ko wo ni bɔ nyɔ.”

Matiyu 2:19

Mansa Hɛrodi tenbi kɔmɛ, Marita melika bɔra gbɛ rɔ Yusufu ye kiyo rɔ Iyipiti nyamanɛ rɔ.

Matiyu 2:22

A ya a lamɔɛn tumɛ min ko Hɛrodila dan Akileyasi ara sigi mansayɛ la a fa gbɛ rɔ Yudiya nyamanɛ kun na, Yusufu kilanta nyɔ-sigi-koe ma. Marita melika ya a lalɔn kiyo rɔ tun ko a kana sigi nyɔ rɔ. Wo le ya a ma, anu tara sigi Kalili sigisɔn rɔ.

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Matiyu 28:5

Melika wo kumara musi wonu ye. A ko, “Wo kana kilan. N ya a lɔn ko wo ye Yisa le nyinina min gbangbanta kɔlɔma ma nun.

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Luka 2:4

Nba, Yusufu fanan bɔra Nasarɛti soe burɔ Kalili sigisɔn rɔ ka ta Yudiya soe do burɔ min tɔgɛ Bɛtalehɛm, Mansa Dawuda sɔrɔnta kan min. A tara nyɔ bawo Mansa Dawuda bɔnsɔn le ale fanan na.

Kɛwɔlɛnu 5:19

Kɔnɔ suyi wo rɔ, Marita melika ya yele wo dɛ laka ka kilayɛnu nabɔ. A ya a fɔ anu ye ko,

Lankɛnimayɛ 19:7

Ma ni sewa ka nyagalen. Ma ni ata gbiliyɛ tanto bawo saga-danta kɔnyɔ-masɔ-wati ara ke. Ala kɔɛn-kurɛ ara a nyɛrɛ rabɛn ala ko la.

Kɛlɛ-Kurugbɛnu 13:3

Mari bɔra gbɛ rɔ melikala muninyɛ rɔ musi wo ye. A ko, “Gbandɛ le ile la kɔnɔ a ti mɛ tun, i si buyi bi ka den-kei sɔrɔn.