Matiyu 1:12 - ALLALA KUMƐ

¹² Anu tɛ kɔmɛ Babilɔn, Yɛhoyasin ya Siyalitiyɛli sɔrɔn. Siyalitiyɛli mara Sarababulu fa-kinamɛ la.

Matiyu 1:12 Iomraidhean Croise

2 Mansɛnu 24:14

A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

2 Mansɛnu 25:27

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

1 Ko-Kɔrɔta-Karan 3:17

Mansa Yɛhoyasin kɛ, Babilɔn kɛlɛ-dannu tara ale le la anu barɛ. Yɛhoyasin ya den-kei mɔgɔ wɔrɔnfila sɔrɔn, Siyalitiyɛli wo,

Ɛsira 3:2

Yɛhosadakila den Yasowa wo, a ta-nyɔgɔ-saraka-masɔlɛnu wo, Siyatiyɛlila den Sarababulu wo, Sarababulu na-kelen-nyɔgɛnu wo, wonu ya Isirɛlata Allata saraka-mintan-tinɛ ladan. Anu ya wo ladan alako anu ni ke saraka mintanna a kuma iko Allata mɔgɛ Nɛbi Musa ya a sɛbɛ tɔn-buku rɔ nya min nun.

Ɛsira 5:2

Silatiyɛlila den Sarababulu anubɛ Yɛhosadakila den Yasowa ya anuna kumɛ lamɔɛn tumɛ min, anu donta Bato-Bon-sɔɛ rɔ tun. Nɛbi mɔgɔ filɛ wonu fanan tugunta anu na wɔlɛ wo rɔ.

Nihɛmaya 12:1

Saraka-masɔlɛ anubɛ Lifayi minnu sɛgira Siyalitiyɛlila den Sarababulu anubɛ Saraka-Masɔla-Kun-Tigi-Wɛ Yasowa fɛ ka bɔ biralɛ rɔ, wonu tɔgɛ le kɛnu na. Sɛraya wo, Yɛrɛmaya wo, Ɛsira wo,

Yɛrɛmaya 22:24

Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Yɛrɛmaya 22:28

Yɛhoyasin mani de iko bɔnku-daga-kore min nakɛnɛ a rɔ. Mɔgɔ-wo-mɔgɔ mako ti taran a la tun. Nfen bi a mala, Yɛhoyasin anubɛ ala dannu na ye kɛla a rɔ? Nfenna anu na ye kɛla a rɔ sibolo-gbɛrɛnuna nyamanɛ rɔ?

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:12

Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ toenu damasi ya Mari gbiliya ka Nɛbi Hegayita kuman-kan bira iko Mari ya a fɔ a ye nya min.

Hegayi 1:14

Mari ya nyamani-tigi anubɛ saraka-masɔla-kun-tigi-wɛ anubɛ Isirɛla mɔgɛ toe bɛɛ lakerinteya a Bato-Bon-wɔlɛ ma. Dariyasila mansayɛ san fila, a karɛ wɔrɛ, tele mogan-ni-nanɛ ma, Isirɛla mɔgɛnu ya anuta Mari Alla Sɛnbɛ-Bɛɛ-Tigita Bato-Bon-sɔɛ dabira wulɔn.

Hegayi 2:2

a ni a fɔ Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ bɛɛsi ye ko,

Hegayi 2:23

Wo tele wa ke tumɛ min, nta wɔli-kɛlɛ Sarababulu si ma nta mansa-yabɔnɛ la. Ale le si ma wo kun-tigi la nde, Mari ya ale min yabɔ.” Wo kɔma, Nɛbi Hegayi ya Mari kuman-kan wo latenbi Isirɛla mɔgɛnu ma.

Matiyu 1:11

Yosaya mara Yɛhoyasin anubɛ a na-kelen-nyɔgɛnu benba la wo tumɛ anu bi biralɛ rɔ Babilɔn nyamanɛ rɔ.

Matiyu 1:13

Sarababulu ya Abayudi sɔrɔn. Abayudi ya Ilayakim sɔrɔn. Ilayakim ya Esɔri sɔrɔn.

Matiyu 1:17

Min bɛɛ tɔgɛ ratɛgɛnɛ ka a dabira Iburayima ma, ka a sigi Dawuda la, bɔnsɔn matiyi tan-ni-nani le. Ka a dabira Dawuda ma, ka a sigi Isirɛla mɔgɛnuna biralɛ rɔ Babilɔn, bɔnsɔn matiyi tan-ni-nani le. Ka a dabira mɔgɛnuna biralɛ ma Babilɔn, ka a sigi Allata-Mɔgɔ-Yabɔnɛ sɔrɔn wati ma, bɔnsɔn matiyi tan-ni-nani le.

Luka 3:27

Yoda fanan fa le Yowana la, Yowana fanan fa le Risa la, Risa fanan fa le Sarababulu la, Sarababulu fanan fa le Siyalitiyɛli la, Siyalitiyɛli fanan fa le Nirayi la,