Matiyu 1:11 - ALLALA KUMƐ

¹¹ Yosaya mara Yɛhoyasin anubɛ a na-kelen-nyɔgɛnu benba la wo tumɛ anu bi biralɛ rɔ Babilɔn nyamanɛ rɔ.

Matiyu 1:11 Iomraidhean Croise

2 Mansɛnu 23:31

Yɛhowahasi ya mansayɛ sɔrɔn Yuda nyamanɛ rɔ a sɔrɔn-san mogan-ni-sawa nyɔgɛ le ma. Karɛ sawa pe, a ye mansayɛ la Yerusalɛm soe burɔ. A na le Yɛrɛmayala den Hamutali la ka bɔ Libina soe burɔ.

2 Mansɛnu 24:14

A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

2 Mansɛnu 25:11

Boloma-wɔli-kɛlɛ minnu tora soe burɔ wo, minnu ya anu buri ka ta kofu Babilɔn kɛnu ma wo, Yuda nyamanita-mɔgɛ toenu wo, kɛlɛ-den-kunyɛ wo tara wonu na Babilɔn nyamanɛ rɔ.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

2 Ko-Kɔrɔta-Karan 36:20

Minnu tora anu niyi la, anu tara wonu na Babilɔn nyamanɛ rɔ. Wonu kunyɛ ma bɔ yɔɔnyɛ rɔ ha Babilɔn kɛnu mamanɛnu sɔrɔnta. Wo wati le tɔ, Pasiya kɛnu nara Babilɔn nyamanɛ bi.

Aiseya 13:1

Alla ya sarakanɛ don nde, Emɔsila den Aiseya bolo. Sarakanɛ wo tɛgɛnɛ Babilɔn kɛnu denu wara-koe ma.

Yɛrɛmaya 39:9

Tɔ-a-la, a mɔgɛ toe minnu tora soe burɔ anubɛ minnu bara kofu a ma, Nɛbukanasala kɛlɛ-den-kunyɛ min tɔgɛ Nɛbusaradan, wo tara anu denu na Babilɔn.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.

Matiyu 1:12

Anu tɛ kɔmɛ Babilɔn, Yɛhoyasin ya Siyalitiyɛli sɔrɔn. Siyalitiyɛli mara Sarababulu fa-kinamɛ la.

Matiyu 1:17

Min bɛɛ tɔgɛ ratɛgɛnɛ ka a dabira Iburayima ma, ka a sigi Dawuda la, bɔnsɔn matiyi tan-ni-nani le. Ka a dabira Dawuda ma, ka a sigi Isirɛla mɔgɛnuna biralɛ rɔ Babilɔn, bɔnsɔn matiyi tan-ni-nani le. Ka a dabira mɔgɛnuna biralɛ ma Babilɔn, ka a sigi Allata-Mɔgɔ-Yabɔnɛ sɔrɔn wati ma, bɔnsɔn matiyi tan-ni-nani le.