Makawandili Kumɛnu 9:3 - ALLALA KUMƐ

³ N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

Makawandili Kumɛnu 9:3 Iomraidhean Croise

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yobu 15:16

Kɔnɔ hadama-dan don? A sɔn yogo kati! Karagbɛlɛyɛ diya donnɛ mɔgɛnu tɔ iko min-kɛ-yi.

Yobu 21:26

Kɔnɔ mɔgɛ bɛɛ si faga, ado mɔgɛ bɛɛ si togon fanani. Tunbinu si ban anu furinu dɔnna.

Yobu 9:22

Yoe taranta n bolo wo, yo ma taran n bolo wo, fɔ Alla wa n bara-koe ka-a-la.

Yaburi 51:5

Kebi n na ya n buyi bi tumɛ min, n bi nta sɔn-yogoyɛ kɛ la n bolo.

Yaburi 64:7

Kɔnɔ Alla si ala kalabɛn lakɛ anu ma, ado anu si tanban tiriya!

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Makawandili Kumɛnu 1:17

N sigira ka n miri. N ko n ni hɛnkilimayɛ anubɛ kuntanyɛ dan-nafarɛ lɔn. N ya wo bɛɛ lakɔrɔsi. Wo mani de iko mɔgɔ wa a fɔ ko a ye fɔnyɔ birala.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Makawandili Kumɛnu 2:14

Iko mɔgɛ si a fɔ nya min, hɛnkilimɛ ye tala kan min, wo ragbɛnɛ a ye kɔnɔ kuntan ma a ta-tinɛ lɔn. Kɔnɔ hali wo, anu filɛla ban si ma kelen na.

Makawandili Kumɛnu 7:2

Yanni mɔgɛ ni ta ladiya-bɔn la, a fisa, a ni ta saya-bɔn la bawo bɛɛ si a miri sayɛ ma nyɔ le, ado bɛɛla ban le sayɛ la.

Makawandili Kumɛnu 7:25

Nba, n ya n miriya mumɛ bɛɛ to ale hɛnkilimayɛ ma ka a lakɔrɔsi ka koe bɛɛ kɔrɛ lɔn. N ya wunduyogoyɛ lakɔrɔsi ka a lɔn minna ko la fenfen sa a rɔ fɔ kun-takolonyɛ.

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Makawandili Kumɛnu 9:2

Dan-nafara woo sa wo la. A karagbɛlɛ wo, a mɔgɔ-latelenni wo, a mɔgɔ-nyima wo, a mɔgɔ-yogo wo, a mɔgɔ-sɛninyanɛ wo, a mɔgɔ-sɛninyabɛlɛ wo, a saraka-bɔla wo, a saraka-bɔlabɛlɛ wo, wo do-wo-do ma a laban-nya lɔn. Telenbaga ma tenbi hakɛ-tigi la. Nyɛrɛ-tasɛlɛla ban ma tenbi nyɛrɛ-tasɛbɛlɛtɛ la.

Makawandili Kumɛnu 9:4

Fananta mɔgɛ ye a niyi la, yigi ye a bolo. Wuli fanan min bi a niyi la, wo wara-koe fisa yara-faganɛ ko.

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Luka 15:17

Tɔ-a-la, a ya a hɛnkili masɔ. A miriya tara a fala wɔli-kɛlɛnu ma. Wonu bi fen dɔnna, anu ti a ban kɔnɔ ale ye fagala nyɔ kɔnkɛ bolo!

Luka 6:11

Nba, tɔn-karan-mɔgɛnu anubɛ Farisinu diminyara bɛrɛkɛ! Anu burunta a fɔla anu nyɔgɔn tɛma anu si min ma Yisa la.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.

Kɛwɔlɛnu 26:24

Pɔli ye a nyɛrɛ fɛkala tumɛ min, Sigisɔn-Mansa Fɛsitasi kumara a ma kan-mayɛlɛnɛ la ko, “Pɔli, i wara yuwaya. Ila karan-wɛ kɛ ye i layuwayala.”

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

2 Pita 2:16

ado Belamta sofɛlɛ ya mɔgɔni-gbu-kan fɔ ka ale Belam makuma ala tɔn-tinyɛla ko la. Wo kumara a ye alako nɛbi wo ni sɛgi ka ata yuwayɛ boloka.