Makawandili Kumɛnu 7:2 - ALLALA KUMƐ

² Yanni mɔgɛ ni ta ladiya-bɔn la, a fisa, a ni ta saya-bɔn la bawo bɛɛ si a miri sayɛ ma nyɔ le, ado bɛɛla ban le sayɛ la.

Makawandili Kumɛnu 7:2 Iomraidhean Croise

Yaburi 90:12

Ma karan alako ma ni a lɔn ko ma siyi-fɛ ma yan, ado wo si a ma, ma ni a ma ma fɛrɛma ka ma hɛnkili sɔ.

Makawandili Kumɛnu 2:14

Iko mɔgɛ si a fɔ nya min, hɛnkilimɛ ye tala kan min, wo ragbɛnɛ a ye kɔnɔ kuntan ma a ta-tinɛ lɔn. Kɔnɔ hali wo, anu filɛla ban si ma kelen na.

Makawandili Kumɛnu 2:16

A hɛnkilima wo, a kuntan wo, bɛɛ tɔgɛ si tunu yen! Mɔgɔ ti a miri anu ma tun. I mara hɛnkilima la wo, i mara kuntan na wo, bɛɛ si faga.

Makawandili Kumɛnu 3:19

Kɛ bɛɛ rɔ, ko kelen pe le ma dama yarɔ. Wo le sayɛ la. Mɔgɔni-fin wo, sogo wo, bɛɛ ye fagala le. Ni-kelen de ma dama rɔ. Hadama-dan ma tenbi soge la fenfen tɔ. Kɛ bɛɛ ragbɛlɛ.

Makawandili Kumɛnu 3:20

Bɛɛ ye sɛgila le bɔnkɛ le tɔ bawo bɛɛ bɔra nyɔ le tɔ.

Makawandili Kumɛnu 6:6

min ya hali san waga fila bɔ kɔnɔ a ma a bolo-fen-diya bɔ. Anu fila bɛɛ si a laban sayɛ le ma.

Makawandili Kumɛnu 9:2

Dan-nafara woo sa wo la. A karagbɛlɛ wo, a mɔgɔ-latelenni wo, a mɔgɔ-nyima wo, a mɔgɔ-yogo wo, a mɔgɔ-sɛninyanɛ wo, a mɔgɔ-sɛninyabɛlɛ wo, a saraka-bɔla wo, a saraka-bɔlabɛlɛ wo, wo do-wo-do ma a laban-nya lɔn. Telenbaga ma tenbi hakɛ-tigi la. Nyɛrɛ-tasɛlɛla ban ma tenbi nyɛrɛ-tasɛbɛlɛtɛ la.

Makawandili Kumɛnu 9:3

N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

Makawandili Kumɛnu 9:5

Tonyɛ le wo la bawo min bi a niyi la, wo fisa bawo wo hɛnkili ye ko kelen pe dɔrɔn ma, wo le ko a ye nala fagala. Kɔnɔ min bara faga, wo sa ko-wo-ko kalama. A sa fenfen taranna a yarɔ lakira, ado mɔgɛnu ti mɛ nyinala a wara-koe la.

Aiseya 47:7

Ile Babilɔn miri ko i ye tola musu-mansayɛ le la tolon, ado i miri ma ke ko su kɛnu ma nun. I miri ma ke ko a si a laban i bolo ka.

Yɛrɛmaya 16:8

Mari ko n kana ta mɔgɛnu tɛma minnu bi ladiyɛ kun na. N kana ta fen dɔn, ni wo ma, ka n min anu fɛ nyɔ.

Hegayi 1:5

Wo sa a yenna min bi mala wo la?

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Yilan-Yilan Koe 23:10

Mɔgɛ ti ke kɛnu danna. Anu siya iko gbangban. Alamɛ nna ban mara iko Isirɛla mɔgɛ kɛnu. N ba faga wati min, alamɛ n mara iko mɔgɔ-telennɛ kɛnu!”

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.

Tɔn-Fɔɛ-Fila-Nyɔgɛ 32:46

a ya a fɔ anu ye ko, “Wo ni a ma wo fɛrɛma, n bara tɔn kɛ damasi min di wo ma kɛ la bi, wo ni wonu bira. Wo ni anu takaran wola dannu ye a kilɛ fɛ woletɔ anu si Allata karan kɛ bira anu bolo filɛ la gben!

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.