Makawandili Kumɛnu 4:1 - ALLALA KUMƐ

¹ N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Makawandili Kumɛnu 4:1 Iomraidhean Croise

Yobu 16:4

Ni n bi le iko wole ye nya min, n si ke kumala iko wole. N si n kunyɛ firifiri ka kuma-gbondanɛnu fɔ wole fanan ma.

Yobu 35:9

Mɔgɛnu ba tɔrɔyɛ sɔrɔn, anu si to gbɛngbɛrɛnna. Anu si di mɔgɔ-gbɛrɛnu dala alako wonu ni anu nakisi fankalamɛnu ma.

Yobu 6:29

Wo ara wotɛ latenbi. Wo kana n yiliki. N bi n yoe le tɔ.

Yobu 9:24

Alla ya duninya dantɛgɛ karagbɛlɛnu ma. A ya a ma, kiti-tɛgɛlɛ bɛɛ fiyonyara tɛrr! Wo rɔ, ni Alla ma wo ma, yon ya wo ma nun worɔ?

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 142:4

N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

Yaburi 142:5

N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 42:9

Alla min bi n natankala, n si a fɔ wo ye ko, “Nfenna i wara nyina n ko? Nfenna n tɔrɔnɛ ni to n yogenuna karagbɛlɛyɛ la?”

Yaburi 69:20

Anu bi n mamɔɛnna nya min, wo ara n yisi tinya pɔ, ado wo ara a ma, n yigi ara tɛgɛ gbati! N ya a lɔn nun ko do si hina n na nun kɔnɔ n ma mɔgɔ-den-kelen yen min si hina n na anu tɔ.

Yaburi 69:21

Kɔnkɛ ye n na tumɛ min, anu ya mɔgɔ-faga-fan le di n ma. N kan lagbalata wati min, anu ya kotuli le di n ma.

Yaburi 80:5

I wara nimisɛ ma mala dɔn-fan la. I wara ma min-kɛ-yi-lafɛ lafa ma ya-yi la.

Bɔ-Koe-Iyipiti 1:16

“Wo wa ta Hiburu musinu dɛnbɛ tinɛ den sɔrɔn tinɛ, ni min ya a keimɛ sɔrɔn, wo si dan wo faga kɔnɔ ni min ya a musumɛ sɔrɔn, wo kana wo faga de!”

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Hɛnkilimaya-Kumɛnu 19:7

Bolo-kolɔn ma di a na-kelen-nyɔgɛ ye kan min, a si na diya mɔgɔ-gbɛrɛkɛ le ye wo rɔ, wa? Hali a ya diyanayɛ nyini mɔgɛ yakɔrɔ, a ti a diyana-mɔgɛ sɔrɔn.

Hɛnkilimaya-Kumɛnu 28:3

Kun-tigi bolo-kolɔn min bi a ta-nyɔgɛ bolo-kolɔn yakɔrɔ-mamɔla, wo mani de iko bandɛ min bi nala ka ki-fannu tinya.

Hɛnkilimaya-Kumɛnu 29:2

Ni mɔgɔ-latelennɛ ya tɔgɛ sɔrɔn, mɔgɛ bɛɛ si sewa. Kɔnɔ ni karagbɛlɛ ya tɔgɛ sɔrɔn, mɔgɛ bɛɛ si to kurunna tɔrɔyɛ bolo.

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Makawandili Kumɛnu 7:7

Kensunte si hɛnkilimɛ yɛlɛma kuntan la. Ni mɔgɛ ya dogonta-fan bira, wo ara fɛɛ sa a nyɛrɛ sɔn la.

Makawandili Kumɛnu 8:9

N ya n hɛnkili lamiri duninya-koenu kɔrɛ-lɔn-koe ma wati min, n ya ko kelen de yen. Wo le, sɛnbɛ ye mɔgɛ do bolo, a kɔrɔ-mɔgɛnu tɔrɔnɛ a bolo.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Yɛrɛmaya 16:7

Mɔgɔ-wo-mɔgɔ ti na saya-kinɛ la wo ye. Hali min si yi di wo ma, wo ti taran. Hali a ya a taran, mɔgɛ na ani fila a fa bɔra a kuma, a manugu-nɛgɛla ti sɔrɔn.

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Nimisa Koe 1:17

“Nde, Yerusalɛm bole rasiginɛ iko tarali-kɛlɛ kɔnɔ n denkunna mumɛ sa. Nyamanɛ min bɛɛsi ye nna foolɛ rɔ, Mari ara a fɔ wonu ye ko anu ni n kɛlɛ. Anu bi n bira boloko-yogomɛ-kɛla iko fen-kɔsɔni-kɔnkɔn.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Nimisa Koe 1:9

Ala sɛninyabɛlitayɛ wo mani de iko musi min wulita ala kurɛ ratinyana kɔnɔ a ma a miri nun ko a si a laban wo nya na. A labui-koe ya mɔgɛnu tɛrɛna. Mɔgɔ-den-kelen sa nyɔ min si a madiya. A ye dila ko, “E, Mari, i wara n nɔ-nya yen n yogenu bolo, wa? N dɛnbɛ.”

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Emɔsi 3:9

Nɛbi Emɔsi ya Mari kuman-kan natenbi Iyipiti mansɛ ma anubɛ Filisitinuna mansɛ ma min siginɛ Asadadi soe rɔ. A ko, “Mari ko nyamani-kun filɛ kɛ mɔgɛnu ni anu nadɛn kɔnkɛnu kuma Samariya soe dafɛ ka anu yɛ bɛn Isirɛla mɔgɛ wonu ma, anu bi ko-yogoma-sifa minnu mala.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 26:56

Kɔnɔ kɛ bɛɛ mara alako nɛbinu ya min sɛbɛ Allata kitabu rɔ, wo ni bɔ-a-la.” Nba, karan-dannu bɛɛ bɔra a fɛ ka anu buri.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.