Makawandili Kumɛnu 2:4 - ALLALA KUMƐ

⁴ N bara kabana-ko-siyaman kɛ. N ya bɔnnu sɔ n nyɛrɛ ye ka ki-fen-siyaman ki.

Makawandili Kumɛnu 2:4 Iomraidhean Croise

Ko-Dabirɛnu 11:4

Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

2 Samuwɛli 18:18

Abasalɔm ye a niyi la tumɛ min, a ya kuri do sigi Mansɛnuna lɛɛ rɔ ka a tɔgɛ sa kuri wo kuma alako mɔgɛnu ni to anu mirila a ma. Wati wo rɔ, den sa a bolo min si ma a sugi la. Ha bi, anu bi kuri wo kelela ko Abasalɔm Yili-To-Kuri.

1 Mansɛnu 15:19

“Ma ni to kan kelen tɔ iko ma fanu bi nya min nun. I sanbɛ le sɛnɛ anubɛ wodi-gbɛ kɛnu na alako wobɛ Isirɛla Mansa Beyasa kana to kan kelen tɔ. Wo si a ma, mansɛ wo fanan ni ala kɛlɛ-dannu bɔ nta nyamanɛ rɔ.”

1 Mansɛnu 9:1

Mansa Silamɛni banta Mari Bato-Bɔn anubɛ a nyɛrɛta bolɔn sɔla tumɛ min anubɛ a miriya ye min bɛɛ ma,

1 Ko-Kɔrɔta-Karan 27:27

Rema kɛ Simayi ye mansɛla nɔnbɔ-sɛnɛnu kun na. Sefam kɛ Sabadi ye mansɛla nɔnbɔ-gbɔ-yi namara tinɛnu kun na.

2 Ko-Kɔrɔta-Karan 26:10

Wo kɔma, a ya nyamanɛ-kumafɛlɛn-bɛndɛ-layan-bɛ donu sɔ wulɛ rɔ. A ya kɔlon-siyaman sin kɔnkɛ kɔrɔ anubɛ lɛɛnu tɔ bawo kolo-fen-siyaman bi a bolo nyɔ rɔ. Sɛni-sɛ di a ye min kɛ, a ya mɔgɔ-siyaman lata ala sɛnɛnu tɔ minnu si sɛnɛnu wɔrɔ ka ki-fannu ki a ye.

2 Ko-Kɔrɔta-Karan 8:11

Mansa Silamɛni ya Iyipiti mansɛla dunmusi min furu nun, a ya wo bɔ a fa Mansa Dawudata luyi ma ka wo lata a halala-bɔn la, a ya min sɔ ala musi wo ye. A ya a fɔ ko, “A ma bɛn, musi kɛ ni to Isirɛlata Mansa Dawudata luyi ma bawo ni tɔn-kenkirɛ ye kan min nun, nyɔ sɛninyani de!”

Yaburi 49:11

Anuna kaburu si ma anu barɛ la tɛban! Hali dugi ye anu bolo kɔrɔma la, anu ya a laban kanbɛ le tɔ.

Keninteya-Siginu 1:14

N keninte, i manɛ n ye iko baga-fere minnu bi Ɛngidi nɔnbɔ-gbɔ-sɛnɛ rɔ.

Keninteya-Siginu 7:12

Ma ni ma lasɔ subaga. Ma ni ta ki-fannu mafɛlɛn. Tumado, anu bara anu matii. Tumado, anu bara fere kɔrɛ. N si nta keninteyɛ yira i la nyɔ rɔ.

Aiseya 5:1

N tenbi sigi sala, wo ni wo tole masɔ n na. Sigi kɛ ye sala n diyana-mɔgɛ anubɛ ala ki-fan denuna ko la. Nakɔɛ do ye n diyana-mɔgɛ bolo nun. A ye dugu-nyimɛ rɔ kɔnkɛ ma.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’