Makawandili Kumɛnu 1:2 - ALLALA KUMƐ

² Nde, karan-mɔgɔ ko duninya kɛ ragbɛlɛ. A ragbɛlɛ dɔgɔma-ma-de, ado a nya ti yen mumɛ!

Makawandili Kumɛnu 1:2 Iomraidhean Croise

Yobu 11:12

Ni sofɛli-feremɛ si den-kolonɛ sɔrɔn, nba, ni wo si ma, mani kun-takolɔn si ma hɛnkilimɛ la.

Yaburi 144:4

Hadama-dan-niyi mani de iko ni-lafɛ kelan i yala. A si tunu yen, iko ninɛ.

Yaburi 89:47

N siyi-fɛ wuruyanɛ ye nya min, i fonde lamiri wo ma. Fenfen ma male, hadama-dannu na iko i ya ma ladan nya min.

Makawandili Kumɛnu 11:10

I kana hɔn fenfen na ka i nyɛrɛ makinikini bawo i sa nala tola fonikeyɛ wo rɔ.

Makawandili Kumɛnu 11:8

Fananta mɔgɛ ye a niyi la duninya kɛ rɔ, a ni to a nyɛrɛ ladiyala bawo a ye wati min nyɔgɔn bɔla pinpi rɔ lakira, wo siya yantɛ ko pirr! Wo bɛɛ ragbɛlɛ.

Makawandili Kumɛnu 12:8

Nde, karan-mɔgɔ ko duninya kɛ ragbɛlɛ. A nya ti yen hali!

Makawandili Kumɛnu 2:11

Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.

Makawandili Kumɛnu 2:15

N ya n miri ko ni kuntan anubɛ hɛnkilimɛla ban si ma le kelen na, tɔnɔ-nyamintan bi nna hɛnkilimayɛ la worɔ? Tɔnɔ-wo-tɔnɔ sa wo la! Kɛ fanan tagbɛlɛ.

Makawandili Kumɛnu 2:17

Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.

Makawandili Kumɛnu 2:19

Ado nfan, ni hɛnkilimɛ le wo la, kuntan le wo la, n ti wo lɔn. N bara tɔrɔ min bɛɛ nyinɛ la wo, nna hɛnkilimayɛ ara min di n ma wo, wo bɛɛ si to wo tigi ye fu! Wo ragbɛlɛ kati!

Makawandili Kumɛnu 2:21

I ni tɔrɔ fan nyinina i hɛnkili anubɛ ila ko-kɔrɔ-lɔn anubɛ ila kusanyɛ la kɔnɔ tɔ-a-la, wo ni ta to mɔgɛ do ye min ma tɔrɔ a la. Wo ragbɛlɛ, ado a ma telen.

Makawandili Kumɛnu 2:23

Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Makawandili Kumɛnu 2:8

Nyamanɛ bɛɛ minnu bi nta sɛnbɛ kɔrɔ, n ya wonuna sɛnɛ anubɛ anuna wodi-gbɛnu nadɛn kan-tina-kelen n nyɛrɛ ye. Finabanu anubɛ yelebanu taranta n matɔgɔla. Keinu yɛ si bɔ musi minnu na, n ya wo siyaman nadɛn n nyɛrɛ ye.

Makawandili Kumɛnu 3:19

Kɛ bɛɛ rɔ, ko kelen pe le ma dama yarɔ. Wo le sayɛ la. Mɔgɔni-fin wo, sogo wo, bɛɛ ye fagala le. Ni-kelen de ma dama rɔ. Hadama-dan ma tenbi soge la fenfen tɔ. Kɛ bɛɛ ragbɛlɛ.

Makawandili Kumɛnu 4:16

N bara nyama-belebele min tayen, wonu siya duk! Kɔnɔ tɔ-a-la, hali ale kemini-hɛnkilimɛ, anu gbunyara a kɔrɔ. Kɛ damasi ragbɛlɛ. A mani de iko mɔgɛ tenbi fɔnyɔ birala.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 5:10

Ni nɔnfuli diyara mɔgɔ-wo-mɔgɔ ye bɛrɛkɛ, nɔnfuli ti wo wasa mumɛ! Nɔnfulu-tigiyɛ diyara mɔgɛ min ye wɛ kɛ, hali wo ya nɔnfuli sɔrɔn duk, wo ti a wasa. Kɛ bɛrɛn tagbɛlɛ.

Makawandili Kumɛnu 6:11

I ye tola sɔsɔli sala nya min, i la ye tola fɛyala wo nya na le, ado ala ban si gbɛlɛya i kuma.

Romu 8:20

Dali-fan min bɛɛ ye duninya kɛ rɔ, wonu bi Allala dankɛ kɔrɔ. Anu nyɛrɛ sako ma wo la fɔ Alla. Hali wo, yigi ye ma bolo