Maika 7:9 - ALLALA KUMƐ

⁹ Ma ara hakɛ kɛ Mari la. Fɔ ma ni ma munyu ata diminyɛ kɔrɔ wati-kundu-ni kɔrɔ. Wo wati wa ban, a si ma fɛka ka ma tayili sara ma yogenu na. A si ma labɔ pinpi rɔ ka ma kun nayere.

Maika 7:9 Iomraidhean Croise

2 Samuwɛli 24:17

Mansa Dawuda ya ale niyi-bɔ-melika yen. A ya a fɔ Mari ye ko, “Ko-tinyanɛ ye nde le la. Nde le wara ko-yogomɛ ma. Mɔgɔ-makinikininɛ kɛnu bara nfen ko-yogoma ma? A bɛnnɛ tɔrɔyɛ kɛ ni sigi mabɛ nna denbayɛ le la.”

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yobu 35:14

Yobu, ile ye a fɔla ko i sa Alla yenna. Kɔnɔ ile ni a makɔni tun. Ita kiti wo ye Alla bolo.

Yaburi 119:154

I ni ma n kumafunfannɛ la ka n kun nadiya. N nakisi iko i wara n yili-madiya nya min.

Yaburi 37:6

A si a ma, ila telenbagayɛ ni malan iko tele latelan.

Yaburi 43:1

E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 94:15

I si latelan yen kiti sa tinɛnu tɔ tun. Mɔgɔ-latelennɛ si taran telenbagayɛ rɔ.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 42:7

A ko a si fiyɔnnu yɛ laka. A si yelela-mɔgɛnu kun nayere ka anu bɔ pinpi wo rɔ.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 56:1

Mari ya kɛ le fɔ ala mɔgɛnu ye. A ko wo ni don ko-telenni-kɛ rɔ bawo kisi-koe fɛ ma yan wo la tun. Wo kunyɛ si bɔ gbaran rɔ mɔgɛ bɛɛ yala.

Yɛrɛmaya 10:19

Wole Yuda kɛnu bi a fɔla ko, “Ka a tɛgɛ mala tanban ma, a gbɛlɛ ma kuma, ado dandanbɛlɛ le mala dumɛ wo la. Kɔnɔ hali wo, a fɛrɛ sa, fɔ ma wa ma muin dumɛ wo kɔrɔ.

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Yɛrɛmaya 51:10

Mari ko ala mɔgɛnu bi a sɔnkɔla ko Mari ye a yirala ko yoe ye anu bolo. Anu ko anuta Mari Alla ara min ma, anu ni ta wo fɔ Yerusalɛm kɛnu ye.

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

1 Samuwɛli 24:15

Kɔnɔ alamɛ Mari ya kiti tɛgɛ ma tɛma. Alamɛ Mari tora n fɛ ma tɛma kiti kɛ rɔ ka n tanka i masibɛ ma.”

1 Samuwɛli 25:39

Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”