Maika 7:3 - ALLALA KUMƐ

³ Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Maika 7:3 Iomraidhean Croise

Hɛnkilimaya-Kumɛnu 16:30

Karagbɛlɛ si yanfɛ don a ya-lakalan-bole fɛ ko-yogomɛ rabɛn-tinɛ. A tenbi ko-yogomɛ mala, a si a dɛ don a kɔrɔ.

Hɛnkilimaya-Kumɛnu 17:23

Kiti-tɛgɛla-yogomɛ si dogonta-fan bira. Wo ko-sunu si telenbagayɛ tinya.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Aiseya 3:5

Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 5:23

Dogonta-fan min bi dila wo ma mɔgɔ-yilikinɛla ko la, wo le ye a mala, wo ye a bolokala, a ni ta a ye fɛlɛlɛ! Wo ye kilɛ tɛgɛla mɔgɔ-magbalanɛnuna ko-latelenni-sɔrɔn ma.

Yɛrɛmaya 3:5

Wo yili latɛgɛnɛ ko ale Mari kɔrɔtɔnɛ ti to wo ma. Tɔn si sigi ata kɔrɔtɛ la. Wole Isirɛla mɔgɛnu denu bi kumɛ kɛnu fɔla kɔnɔ wo ye ko-yogomɛnu mala iko a di wo ye nya min.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Isikiyɛli 22:27

Anuna nyamanita-mɔgɔ-banu mani de iko suluki minnu bi soge rafarala anu nyɔgɔn tɛma. Anu bi mɔgɔ-fagɛ kɛla alako anu ni ma-a-la.

Isikiyɛli 22:6

Isirɛla kun-tiginu ma la fenfen na fɔ anu nyɛrɛta sɛnbɛ. Wo kɔma, anu ya mɔgɛnu faga.

Isikiyɛli 34:21

Minnu baranɛ, saga-tɔlɔnɛnu tora wonu tɔntɔnna anu kunyɛ la ka anu gben anu kurun tɔ.

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Hoseya 4:18

Ni wo ara ban wo yɛ lafinna, fenfen ma di wo ye fɔ yɛlɛnyɛ. Yarabiyi di wo ye gbiliyɛ ko.

Hoseya 7:3

Mari ko, “Wole Isirɛla mɔgɛnu bi karagbɛlɛya-su bɛɛ rabɛnna mansɛ anubɛ ala mɔgɔ-banu kan ma bolɔn la.

Emɔsi 5:12

Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Maika 2:8

Maika ya Mari kuman-kan latenbi kensuntenu ma ko, “Wole Isirɛla mɔgɛnu, wo ye wo ta-nyɔgɛ mɔgɔ-tɔrɔnɛnu kɛlɛla iko wo yogenu. Mari ko mɔgɔ-tɔrɔnɛ wonu mani de iko kɛlɛ-dannu ba sɛgi ka bɔ kɛlɛ rɔ tumɛ min, anu bi anu mirila ko anu bara kanan anuna bɔnnu na kɔnɔ yaga, wole kensunte-kɔrɛnu siginɛ ka anu makɔni anu bolo-fannu ko-latɛgɛ koe rɔ.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 3:2

Ni koe min kin, wo ma di wo ye kɔnɔ ni koe min yogo, wo le di wo ye.

Matiyu 26:15

A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.