Maika 7:2 - ALLALA KUMƐ

² Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Maika 7:2 Iomraidhean Croise

Yaburi 10:9

A ye bolo-kolɔnnu makɔnɔna a dogon tinɛ nyɔ iko yarɛ. A si wonu bira ala yili-lasiginɛ la ka anu sagan tala.

Yaburi 12:1

Mari, ma dɛnbɛ! Mɔgɔ-nyima wo mɔgɔ-nyima sa tun. Mɔgɔ sa tun min telennɛ.

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 57:6

N yogenu ya gbɛrɛ min nasigi n ye wo ya n yigi tɛgɛ son! Anu ya denkɛ sin nta kilɛ la kɔnɔ anu denu-denu buira denkɛ wo rɔ.

Hɛnkilimaya-Kumɛnu 1:11

Ni anu ya a fɔ i ye ko, “Na, ma ni ta baga mɔgɛ do ma ka a faga alako ma ni ma nyɛrɛ ladiya. Ma si a kɛndɛ taran kɔnɔ ma bɔmatoe si a suyi to nyɔ.” I kana sɔn wo ma.

Hɛnkilimaya-Kumɛnu 12:6

Mɔgɔ-yoge-darɔ-kan bɛnnɛ mɔgɔ-fagɛ le ma kɔnɔ mɔgɔ-nyimɛ-darɔ-kan si mɔgɔ dɛnbɛ ka a kisi.

Aiseya 3:5

Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Aiseya 9:19

Mari Sɛnbɛ-Bɛɛ-Tigita fondo-bɔ-belebele kɛ si mintannɛ kɛ ka nyamanɛ mumɛ bɛɛ mintan gburr! Mɔgɔ-wo-mɔgɔ ti a nyɔgɔn denkun. Bɛɛ paraparɛ si ta a kun fɛ.

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Yɛrɛmaya 5:16

Kaburu-soe le anuna kalabɛn-bɔrɛ la wo ye. Kɛlɛ-nyana le anuna kɛlɛ-dannu na.

Yɛrɛmaya 5:26

Karagbɛlɛ minnu bi wole, ala mɔgɛnu tɛma, wonu bi mɔgɛnu manɛgɛnna ka anu bira iko donso-keminɛ ye kona manɛgɛnna nya min ka a bira.

Yɛrɛmaya 8:6

Mari ko a ya a wɔlɔ matɔlɔ wo la a kin na kɔnɔ fenfen ti bɔ wo da rɔ fɔ foninyɛ. Wo fenfen ma nimisa wo hakɛla ko la. Wo miriya ma ke wo sɔn-kɔrɛ wonu ma lefan anu boloka-koe ma. Bɛɛ ye a kun fɛ iko soee-kɛlɛta talɛ.

Nimisa Koe 4:18

Ma yogenu bi ma lapɛrɛnna ha ma ti ke ma kunyɛ labɔla luyi ma tun. Tele-dande le tonɛ gbɛ ma niyila ko la.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Isikiyɛli 24:6

“Nde, wo Tigi Mari ko mɔgɔ-fagalɛnuta soe dankani de! Soe wo mani de iko dagɛ min tanɔgɔnɛ kɔtikɔti! Woletɔ i ni sogo-kundi wonu nabɔ dagɛ wo rɔ kelen-kelenyɛ ma ka a rakolonya filili!

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Hoseya 6:9

Wole saraka-masɔlɛnu mani de iko kankan-kurɔn minnu siginɛ kilɛ la. Wo ye mɔgɔ-lapɛran la. Hali kilɛ min bi tala a labilala Sɛkɛmta kan-tina-sɛnimɛ ma, wo ye mɔgɛnu fagala wo fɛ. Wo ye karagbɛlɛyɛ wo dama lawulila a ma le bihin!

Maika 2:8

Maika ya Mari kuman-kan latenbi kensuntenu ma ko, “Wole Isirɛla mɔgɛnu, wo ye wo ta-nyɔgɛ mɔgɔ-tɔrɔnɛnu kɛlɛla iko wo yogenu. Mari ko mɔgɔ-tɔrɔnɛ wonu mani de iko kɛlɛ-dannu ba sɛgi ka bɔ kɛlɛ rɔ tumɛ min, anu bi anu mirila ko anu bara kanan anuna bɔnnu na kɔnɔ yaga, wole kensunte-kɔrɛnu siginɛ ka anu makɔni anu bolo-fannu ko-latɛgɛ koe rɔ.

Maika 3:10

Wo ye mɔgɔ-fagɛ anubɛ telenbɛlitayɛ mala Yerusalɛm soe bon-kurun-fan la, ado Allata so-sɛnimɛ le Yerusalɛm wo la.

Maika 3:2

Ni koe min kin, wo ma di wo ye kɔnɔ ni koe min yogo, wo le di wo ye.

Sakaraya 11:6

Mari ara a fɔ ko a ti kinikini mɔgɔ-wo-mɔgɔ ma tun ata nyamanɛ kɛ rɔ. A ko ale le ya mɔgɛ wonu nadon anu nyɛrɛta kun-tigi wonuna sɛnbɛ kɔrɔ. A ko kun-tigi wonu si nyɔ tinya pɔ, ado a ti sɔn ka ala mɔgɛnu nabɔ anuna sɛnbɛ kɔrɔ mumɛ!

Kɛwɔlɛnu 24:9

A ban wo fɔla, Yahudiyanu fanan donta maburilɛ rɔ. Anu ko tonyɛ le kɛ bɛɛ la.

1 Samuwɛli 24:11

N fa, i ma ila duruku-kundi yen n bolo yan. N si ke i fagala le nun kɔnɔ n ma wo ma. Fɔ n ya ila duruki min tɛgɛ a la. Kɛ si a yira i la ko n murutiyani ma i ma, hali ka ko-yogomɛ ma i la. I ye n manɛgɛnna n faga-koe la, hali n ma ko-yogoma ma i la.

1 Samuwɛli 26:20

N fa, i yandi, a ma, n kana na faga sibolo-gbɛrɛnuna nyamanɛ rɔ Mari sa kan min. Nfenna Isirɛla mɔgɛnuna mansɛ ye nala nde muruntu-mɛrɛntɛ faga kan ma? Nfen ya a to, i ye nala n manɛgɛnna iko donse ye wɔlɛ manɛgɛnna nya min?”