Maika 4:9 - ALLALA KUMƐ

⁹ “Kaka gbɛ, nfen bi a tola, wole ko-yogoma-kɛlɛnu bi gbele-gbelenna ka? Nfen bi a tola, wo ye tɔrɔla kɛ nya kaka iko musi buyi wa a lamaga. Nfen bi a tola, wola mansɛ anubɛ wola hɛnkilimɛnu ti ke wo dɛnbɛna kaka?

Maika 4:9 Iomraidhean Croise

Aiseya 13:8

Bɛɛ kun ma si kɔ. Anu si taran dumɛ rɔ iko musu-den-sɔrɔnmatoe. A bɛɛ yɛ si wuya-a-rɔ kilan bolo. Anu ti ke anu kunyɛ kɔrɔbila yisi-tinyɛ bolo.

Aiseya 21:3

N bara min tayen anubɛ n bara min namɔɛn ko-rayirɛ kɛ rɔ, wo ara dumɛ anubɛ kumakɔɛ tenbi n tɔ iko musi wa wuli a nyɛrɛ-masɔrɔn la.

Aiseya 26:17

Kɔnɔ Mari, i wara a ma, ma ara ma dɛ sa-a-rɔ iko musi bui wa a lamaga.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 4:21

N yɛ si to gbalani kɛlɛ-mandan tamasere la ha tumɛ mintan? N tole si to kɛlɛ-buri la ha muntuma?

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 48:41

Anu si Mohabu soe bɛɛ bira-a-la anubɛ a so-latankanɛnu. Tele wo ma, Mohabu kɛlɛ-dannu si kilan iko musi buyi wa a lamaga.”

Yɛrɛmaya 50:43

Wo lamɔɛn Babilɔn mansɛ bolo, a mankulan bɔra a ma. Hɔnya sigira-a-la iko musi bui wa a lamaga.

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Hoseya 10:3

Wole hakɛ-tiginu si na a fɔ ko, “Mansa sa ma bolo bawo ma kilanni ma Mari la. Hali a taranta, mansɛ ye ma bolo nun, wo si nfen nyinya ma ma?”

Hoseya 13:13

Wole Isirɛla mɔgɛnu, fɛrɛ ye wo bolo, wo ni to wo niyi la kɔnɔ wo sa sɔnna fɛrɛ wo la. Wo mani de iko dan min sɔrɔn-wati ara ke kɔnɔ a ni a ban bɔ-koe ma fɔnyɔ la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Yɔni 16:21

Ni musi ye a nyɛrɛ-masɔrɔn tinɛ, a yisi si gbala ata tɔrɔyɛla ko la. Kɔnɔ a wa dan sɔrɔn tumɛ min, a si nyina ala tɔrɔyɛ wo ko ka sewa bawo dan ara sɔrɔn a ye.

Lankɛnimayɛ 12:2

A buyi gbiliyanɛ, ado a ye dila den-sɔrɔn-dumɛ anubɛ a tɔrɔyɛ kɔrɔ.