Maika 4:8 - ALLALA KUMƐ

⁸ Hali wola Yerusalɛm soe kɛ si ma so-karantan la tun. Alla nyɛrɛ si taran wo tɛma ata Bon-Sɛnimɛ la kɔnkɔ-layan-bɛ wo kuma ka wo kun mafɛlɛn iko saga-fɛ-biralɛ si ala sagɛnu kumafɛlɛn nya min.

Maika 4:8 Iomraidhean Croise

Ko-Dabirɛnu 35:21

Yakoba ya den mɔgɔ tan-ni-filɛ minnu sɔrɔn, wonu tɔgɛ le kɛnu na, Liya ya den-kei mɔgɔ wɔrɔ sɔrɔn, Rubɛn wo, Simiyɔn wo, Lifayi wo, Yuda wo, Isakari wo, anubɛ Sɛbulɔn. Kɔnɔ Yakobala den-kei-sarɛ le Rubɛn na. Yakoba tara a daga makɛ kan-tina-layan-bɛ do kɔma min tɔgɛ Idɛri. Anu tenbi nyɔ le, Yakobala den-kei-sarɛ Rubɛn wo ya a sa a fala musila solo-dununɛ Biliha fɛ. Yakoba ya wo lamɔɛn.

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

Nihɛmaya 3:25

Yusayila den Pelali, wo le ya nyɔ-tatugunnɛ sɔ ka a bi tonke wo ma, kan-tina-layan-bɛ ye kan min mansɛla-bolon-kantɔtɛ dafɛ. Nyɔ ye kandannɛnuta lu-kole dafɛ fanan. Parɔsila den Pɛdaya,

Yaburi 24:7

Bato-Bɔn don-dɛ minnu kɔrɔyanɛ ara mɛ, wonu naka wɛ kɛ. Wo dɛnu naka alako mansa-makawanɛ ni don.

Yaburi 48:3

Alla ara ata kanan-koe yira ma la so-latankanɛ wo rɔ.

Yaburi 61:3

bawo n natankalɛ le ile la. Nna tarɛ le ile la n yogenuna ko la.

Keninteya-Siginu 4:4

I kan kin, ado a makirinɛ kan-na-fan la iko Mansa Dawudata nyamanɛ kumafɛlɛn-bɛndɛ-layan-bɛ makirinɛ kɛlɛ-kurugbaya nɛgɛ-lufɛ waga kelen min na.

Aiseya 1:26

A ko a si mɔgɔ-banu anubɛ hɛnkili-kɔlɛnu di wo ma iko fɔlɔ. Wo kɔma, bɛɛ si Yerusalɛm lɔn telenbaga-soe anubɛ lanaya-soe la.

Aiseya 10:32

Ma yogenu daga-makɛnɛ Nobi soe burɔ bi. Anu bi nyɔ, anu bi anu kɔnkɔnna Yerusalɛm soe ma.

Aiseya 5:2

A ya kan tinɛ wo rasin ka kurinu tɔnbɔn a rɔ. A ya ki-fen-hakikɛnu ki nyɔ. A ya bɛndɛ-layan-bɛ sɔ nyɔ tɛma a makandan-koe la. A ya bondɔn sɔ ki-fan wonu gbɔɛla ko la. A ya a to ha kɔn-gbɔɛ wonu mɔra a kin na kɔnɔ kɔn-gbɔɛ wonu kuna iko kotuli.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Hɔbadaya 1:21

Mɔgɛ kɛnu ba ban soe kɛnu bila anu bolo, anu si ta Idɔm nyamanɛ fanan bi ka a mara. Ale Mari nyɛrɛ si ma mansɛ la ata mɔgɛnu kuma nyɔ.

Maika 2:12

“Mɔgɔ-toe minnu tora Isirɛla nyamanɛ rɔ, Mari ko a si wonu kundɛn iko sagɛ minnu bi donna kulɛ rɔ. Wola nyamanɛ kɛ si fa mɔgɛnu na tun iko sagɛnu si saga de-nyini-tinɛ lafa nya min.”

Sakaraya 9:10

Mari ko ale mansɛ si kɛlɛ-kɛ-kirindinu wara-koe ka-a-la Isirɛla nyamanɛ rɔ. A mako ti taran soeenu na min tabɛnnɛ kɛlɛ-kɛ-koe la Yerusalɛm. A si kalabɛn-kalɛnu takerikeri. A si yisi-kimɛ lana sibolenu tɛma. Ka a bi kɔgɔ-yi-dan doi ma ka a sigi a dan doi la, a si mansayɛ kɛ wo dama rɔ. Ala mansayɛ dan da si bira Yufereti bɛ ma ha duninya dan.

Sakaraya 9:12

Yigi ye wole mɔgɔ-biranɛ minnu bolo, wo ni wo sɛgi tun wola so-latankanɛnu tɔ. Wo ara min bɛɛsi nyɔgɔn tɔrɔyɛ dunu, a ko a si wo nyɔgɔn fila duwɛ di wo ma.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Yilan-Yilan Koe 24:19

Anu si to anu yogenu tadonna anu kian kɔrɔ iko bore. Anu si to anu fagala ka anu ban fegba!’ ”

Matiyu 21:33

Yisa ko, “Wo ni wo tole masɔ tili-gbɛrɛ la. Dugu-tigi do ye nyɔ nun min ya ki-fannu ki ka a masansan. A ya gbere-kole ladan ka bɛndɛnu sɔ. Wo kɔma, a ya mɔgɛ donu sinka nyɔ la. A bɔra a warɛ ka ta tagama rɔ.

Maraka 12:1

Wo kɔma, Yisa ya tili kɛ tɛgɛ anu ye. A ko, “Dugu-tigi do ye nyɔ nun min ya ki-fannu ki ka a masansan. A ya gbere-kole ladan ka bɛndɛnu sɔ. Wo kɔma, a ya mɔgɛ sinka a la. A bɔra a warɛ ka ta tagama rɔ.

Ɛfɛsa 1:21

Allata nima-fan bɛɛ, a mara melika la wo, a mara nyina la wo, a mara hadama-den na wo, Kirasiti tenbira wonubɛ anuna kun-tiginu na. Duninya kɛ wo, duninya min bi nala wo, Kirasiti tɔgɛ kolo sɛnbɛ-tigi wo bɛɛ ko.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!