Maika 4:1 - ALLALA KUMƐ

¹ “Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Maika 4:1 Iomraidhean Croise

Ko-Dabirɛnu 49:1

Yakoba ya ala dannu kele. Anu ya anu nadɛn a dafɛ. A ya a fɔ anu ye ko, “Koe minnu bi nala mala wo la yarɔ, nde, Isirɛla bi nala wonu denu fɔla wo ye kɛ la.

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 54:2

I ye fani-bɔn min na, i ni do kofu a ma alako a ni koloya. A balan-yilinu nayanya ka a balan-fannu to sɛnbɛ rɔ.

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Yɛrɛmaya 48:47

Kɔnɔ tɔ-a-la, Mari si a ma, Mohabu kɛnu ni to tala yarɔ. Mari ya kɛ le fɔ ka a tɛgɛ Mohabu kɛnuna ko ma.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Isikiyɛli 43:12

Bato-Bon-sereya le kɛ la. Bato-Bɔn sɔnɛ kɔnkɛ min kuma, wola foolɛ bɛɛ tɛrr, wo bɛɛ sɛninyani de!”

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Daniyɛli 7:22

Kɔnɔ Habadan-Tigi-Alla Min Bi Fan Bɛɛ Kun Na, wo nɛ, a ya yoe di ala mɔgɔ-sɛnimɛnu ma kiti tɛgɛ tinɛ, ado a tumɛ ara ke ala mɔgɔ-sɛnimɛnu ye ka duninya-mansayɛ kɛ.

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Kɛwɔlɛnu 2:17

‘Alla ko a si min ma tele-labannu tɔ, wo le kɛ la. A ko a si ata Ni-Sɛnimɛ layigi mɔgɛ bɛɛ kuma. Mala den-keinu anubɛ mala dunmusinu si wɔlɔyiyɛ kɛ. Mala kemini-mɛsɛnu si ko-rayirɛnu yen. Mala kɛmɔgɛnu si kiyonu sa.

Hiburunu 1:2

kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

2 Pita 3:3

Wo ni kɛ lɔn fɔlɔn ko tele-labannu tɔ, nata-yogomɛ ye kun-tigiyɛ kɛla mɔgɛ minnu kun na, donu si na ka wonu mayɛlɛn.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.