Maika 3:4 - ALLALA KUMƐ

⁴ Kɔnɔ wo wati si na, wo si di Mari dala kɔnɔ a ti a wɔlɔ matɔlɔ wola madiyalɛnu na. A si a kolonkɛ dogon wo ma bawo wo ara ko-yogomɛnu dan-natenbi.

Maika 3:4 Iomraidhean Croise

Yobu 27:9

Tɔrɔyɛ tenbi nala a ma, Alla ti a wɔlɔ matɔlɔ a di-kɛ-kan la worɔ.

Yobu 35:13

Anu di-kɛ-kunya sa nyɔ bawo Alla Sɛnbɛ-Bɛɛ-Tigi ti anu mafɛlɛn hali ka anu kan lamɔɛn.

Yaburi 18:41

Anu bi anu dɛnbɛnɛ nyinina kɔnɔ anu ma anu dɛnbɛna sɔrɔn. Hali anu ya ile Mari rakele, i ti i wɔlɔ matɔlɔ anu na.

Hɛnkilimaya-Kumɛnu 1:28

“Wo wa nde, hɛnkilimayɛ rakele wo tumɛ rɔ, n ti wo denkun. Hali wo ya n nyini furr, wo ti n yen

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 33:5

Hali wole, Isirɛla mɔgɛ donu bi Babilɔn kɛnu kɛlɛla kɔnɔ anu si wola bon-gba-kɔrɛnu nafa wo furinu na, ado Mari ko ale le ye wo gbesila dugi la ata fondo-bɔɛ la. A ko a ara a kan-kɔ sɔ soe kɛ la ka a tɛgɛ mɔgɛnuna karagbɛlɛyɛ ma.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Maika 3:7

Hali wo, wole nɛbinu kuman-kan ti bɔ-a-la. Wo si miliya worɔ bawo Alla sa wo fɛ tun iko fɔlɔ.

Maika 7:13

Kɔnɔ yanni wo wati ni ke, wo yogenuna nyamanɛnu si ma nyamani-tinyanɛnu na ka a tɛgɛ anuna ko-yogomɛnuna ko ma.

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Luka 13:25

Bon-tigi wa a lasɔ ka dɛ rasɔgɔ, wo sɔnɛ si to kɔma dɛ matugula ka a fɔ ko, ‘N fa, dɛ laka ma ye!’ Kɔnɔ a si wo yabi ko, ‘N ma wole lɔn. N ma wo bɔ tinɛ lɔn!’

Yɔni 9:31

Ma ya a lɔn ko Alla ti a wɔlɔ matɔlɔ hakɛ-tigi-kan la. Kɔnɔ a si a wɔlɔ matɔlɔ wo mɔgɛnu kan la minnu bi a gbiliyala ka a diyana-koenu kɛ.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

1 Samuwɛli 8:18

Wo wati wa ke, wole nyɛrɛ-nyɛrɛ si gbunya wola mansa-siginɛ wo kɔrɔ. Kɔnɔ hali wo, Mari ti a wɔlɔ matɔlɔ wola gbunya-kumɛ wonu na.”