Maika 2:5 - ALLALA KUMƐ

⁵ Maika ya a fɔ ko, “Woletɔ Marita mɔgɛnu ba sɛgi anuta nyamanɛ rɔ tumɛ min, wole kensunte-kɔrɛnu bɔnsɔnnu ti fenfen sɔrɔn wola nyamanɛ rɔ tun.

Maika 2:5 Iomraidhean Croise

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

1 Ko-Kɔrɔta-Karan 16:18

A ko a si Kenan nyamanɛ kɛ di ma ma. A ko nyɔ si ma matɛ la habadan!

Nihɛmaya 7:61

Dalaya kebilɛ wo, Tobaya kebilɛ wo, anubɛ Nɛkoda kebilɛ wo, wonu bɔra Tɛli-Mela soe anubɛ Tɛli-Harasa soe anubɛ Kɛrubu soe anubɛ Adan soe anubɛ Imɛri soe burɔ Pasiya nyamanɛ rɔ. Wonu kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-nani, ani mɔgɔ fila (642) ma. Kebilɛ kɛnu denu bɔnsɔn wara-ko-nya ma gbɛ ka a fɔ ko Yahudiya le anu na.

Yaburi 16:6

N bara ko-kinyɛ le gbansan sɔrɔn i bolo, ado wonu diyara n ye.

Hoseya 9:3

Wole Isirɛla mɔgɛnu ti to sigini Marita dugi kɛ rɔ tun fɔ anu ni ta wo la yɔɔnyɛ rɔ iko wo taranta Iyipiti rɔ nya min nun. Anu si ta wo la Asiriya nyamanɛ rɔ. Wo si to fan dɔnna nyɔ minnu ma sɛninya iko tɔn ya a fɔ nya min.

Yilan-Yilan Koe 34:13

Musa ya Marita sarakanɛ kɛ latenbi Isirɛla mɔgɛnu ma ko, “Rubɛn bɔnsɔn wo, Kadi bɔnsɔn wo, anubɛ Manasa bɔnsɔn tɔnkɔn kelan, wonu bara ban anuta nyamanɛ sɔrɔnna Yorodan bɛ tele-bɔɛ wara la yan. Kɔnɔ Kenan nyamanɛ si to bɔnsɔn kɔnɔntɛ anubɛ Manasa bɔnsɔn tɔnkɔn kelan bolo ka a tala koron-nakɛ fɛ wo wa Yorodan bɛ tɛgɛ wati min. A si ma wo ye iko Mari ya a fɔ nya min.”

Yilan-Yilan Koe 34:16

Mari ya a fɔ Musa ye ko, “Saraka-Masɔla Ɛliyasa anubɛ Nunna dan Yasowa si nyamanɛ tala bɔnsɔnnu tɛma. Wo si kun-tigi kelen-kelen bɔ bɔnsɔn kɛnu tɔ ka wo dɛnbɛ wɔlɛ kɛla.

Tɔn-Fɔɛ-Fila-Nyɔgɛ 23:2

“Ni kei anubɛ musi ya dan min sɔrɔn yɛlɛnyɛ rɔ, ka a bi dan wo ma ha ka a sigi a bɔnsɔn tan ma, a ma bɛn, wonu ni taran wole Isirɛla mɔgɛnu fɛ Mari madiya tinɛ.

Tɔn-Fɔɛ-Fila-Nyɔgɛ 23:8

Kɔnɔ ni kɛ do siginɛ wo tɛma kaka, wonu tolo-birɛnu si kofu wole Isirɛla mɔgɛnu ma Mari madiya tinɛ.”

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.

Yasowa 18:10

Yasowa ya nyamanɛ wo ratala bɔnsɔn wɔrɔnfilɛ wonu na koron-nakɛ fɛ iko a di Mari ye nya min.

Yasowa 18:4

Yuda ya atɛ sɔrɔn nun dugu la Dalɛ Faganɛ dafɛ, ado Yusufu bɔnsɔn fanan ya anutɛ sɔrɔn kantɔ Yorodan bɛ dafɛ. Awa kaka, wo ni mɔgɔ sawa yabɔ ka bɔ bɔnsɔn wɔrɔnfila toe wo kelen-kelennamɛ-bɛɛ rɔ. Anu ni na n bara. Nde si anu nata worɔ ka nyamanɛ wo mafɛlɛn ka nyamanɛ wo suman.