Maika 2:4 - ALLALA KUMƐ

⁴ Wo kɔma, mɔgɛnu si to anu sɔn-kɔrɛ wonu takaranna ka anu ma tamasere la. Mɔgɛ kɛnu si to wole kensunte-kɔrɛnu mayɛlɛn-sigi sala. Mɔgɛ donu bi dila kaka ko, ‘Ma ara tinya pɔ! Mari ara mala kebila-dugi bi ma bolo. A ara a don ma yogenu bolo minnu si ma bira ka ma ma yɔɔnnu na.’ ”

Maika 2:4 Iomraidhean Croise

2 Samuwɛli 1:17

Dawuda ya saya-tolon do kɛ Mansa Sɔli anubɛ Yonatanla ko la.

2 Ko-Kɔrɔta-Karan 35:25

Nɛbi Yɛrɛmaya ya kinikini-sigi do sa Mansa Yosayala sayɛ kuma. Wo mara Isirɛla mɔgɛnuna namunyɛ la. Ni min bi dila Mansa Yosaya kɛla ko la, wo tigi si sigi kɛ sa. Anu ya sigi wo sɛbɛ saya-sigi-buku rɔ.

Yobu 27:1

A ye mabɛ Alla-nimɛ tɛma, ni n si foninya fɔ. Alla Sɛnbɛ-Bɛɛ-Tigi min ya a ban nna ko-latelennɛ ma, ado a ye n niyi lafinna n ma,

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Aiseya 24:3

Duninya-ratiinɛ si to ka tinya. Mari ara ban a fɔla, ado wo ye mala le serr!

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Yɛrɛmaya 6:12

Wo halala-bɔnnu si to mɔgɔ-gbɛrɛnu bolo. Wola musinu anubɛ wola wɔli-kɛ-tinɛnu si di mɔgɔ-gbɛrɛ ma. A ko a wa a kɔɛn kɔrɔbi, a si wole, Yuda mɔgɛnu tɔrɔ.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:16

A ko a si wo ranyɛnsɛn ka wo basan sibolo-gbɛrɛnu na pirikali! Wo si taran sibolo-gbɛrɛnu tɛma, hali wo benbanu ma minnu lɔn. A ko a si wo yogenu natugu wo kan ma ha wo damasi ni ban fagala.

Isikiyɛli 16:44

“ ‘Nba, ile Yerusalɛm, mɔgɛnu si hɛnkilimaya-kumɛ kɛ fɔ i wara-koe rɔ. Anu kɛnɛna a fɔla ko, “Dunmusi si bɔ a na le la,”

Isikiyɛli 2:10

Bole wo ya gbole wo rafulen n yakɔrɔ. N ya sɛbɛli kɛnɛ yen a ya filɛ bɛɛ ma. Fenfen sɛbɛnɛ sa a rɔ fɔ di-kɛ-kumɛnu, gbalo-kumɛnu anubɛ yisi-lafin-kumɛnu.

Yowɛli 1:13

Wole saraka-masɔlɛ minnu bi wɔlila saraka-mintan-tinɛ, wo ni kasa-kurɛnu don ka di biribiri! Wo ni to mata Alla Bato-Bɔn la ka ki dila kudu, bawo fui-fan anubɛ minni-fen, wonu fenfen sa nala Bato-Bɔn la tun.

Yowɛli 1:8

Wole Yuda kɛnu, wo di biribiri iko sunkurun-mabiranɛla kei wa faga.

Emɔsi 5:1

Nɛbi Emɔsi ko, “Wole Isirɛla mɔgɛnu, n bi nala saya-ko-sigi min sala wo kuma, wo ni wo tole masɔ wo la.

Emɔsi 5:17

Hali wola ki-fannu-nadɛn-tinɛ, wo si sewa kan min, di-kɛ-kan si to bɔla nyɔ. Wo dama ye mala bawo Mari si na wo tɔrɔ tinɛ. Mari nyɛrɛ-nyɛrɛ le ya wo fɔ.”

Maika 1:15

“Marasa soe wo tɔgɔ-kɔrɛ mani de iko ‘nɔlɛ.’ Wole Marasa soe-mɔgɛnu, Mari si wo yogenu nana wo kuma ka wo nɔ. Kun-tigi minnu bi Isirɛla nyamanɛ rɔ, faran minnu bi Adulam soe da kɔrɔ, wonu si ta anu dogon wo donu na.

Maika 1:8

Maika nyɛrɛ ya a fɔ ko, “Min bi a tola, n bi wɔrɔndɔla di-kɛ-tinɛ bawo Samariya ye nala tinyana. Min si a to, mɔgɛnu ni a lɔn ko kinikinɛ ara don n tɔ, n si n gbu-makolonya, n kin-takolɔn si tagama. N si n kuli mayɛlɛ di-kɛ-tinɛ iko gbingbinnyagan tenbi kumala.

Maika 2:10

Mari ko wole kensunte-kɔrɛnu, wo ni wo bɔ yan, wo ni ta pon! Wo sigi-tina sa yan tɔ tun, wo si taran wo diya kan min. Wo hakɛ ara a ma, kan-tinɛ kɛ ara tinya pɔ!

Habakuku 2:6

Mɔgɔ-biranɛ wonu si anu biralɛ wonu mayɛlɛn. Anu si a fɔ ko, “Wo halala ma minnu na, wo si wonu bi kɔnɔ wo ye nala wota nondɔn sɔrɔnna le. Wo si wo fara mɔgɛnu bɔnɔna kɛwuyɛ la tumɛ nyamintan?”

Sɛfanaya 1:2

Mari ya a fɔ nde, Nɛbi Sɛfanaya ye ko a si na duninya rakolonya feu!

Yilan-Yilan Koe 23:18

Belam ya wɔlɔyiya-kumɛ dabira ko, “Mansa Balaki, i madon n na. N bi nala min fɔla i ye, i ni i tolo masɔ wo la.

Yilan-Yilan Koe 23:7

Belam donta wɔlɔyiya-kuma-fɔɛ rɔ. A ko, “Mohabu Mansɛ Balaki ara na n na ka bɔ Siriya nyamanɛ rɔ tele-bɔɛ wara la kɔnkɔ-nyamanɛ rɔ. A ya a fɔ n ye ko n ni na kuma ale ye. N ni Isirɛla mɔgɛnu danka ale ye.

Yilan-Yilan Koe 24:15

Wo wɔlɔyiya-kumɛ le kɛ la Belam ya min fɔ ko, “Sarakanɛ le kɛ la nde, Beyorila dan Belam bolo ka a fɔ i ye bi.

Yilan-Yilan Koe 24:3

ka wɔlɔyiya-kumɛ kɛ fɔ mansɛ ye ko, “Sarakanɛ le kɛ la nde, Beyorila dan Belam bolo ka a fɔ wo ye bi. N bara wula-yanna-koe ragbɛ.

Maraka 12:12

Yahudiyanuna kun-tiginu ya anu taya Yisa bira-koe ma bawo anu ya a lɔn ko Yisa ya tili wo tɛgɛ anu denu denu ma. Kɔnɔ anu kilanta nyama la min kɛ, anu bɔra a fɛ ka ta anu ye.

Tɔn-Fɔɛ-Fila-Nyɔgɛ 28:29

Wo si belenna wo bole mɛmɛla tagama tinɛ tele tɛma iko fiyɔn. Wo ya ko-wo-ko ma, a si tinya wo la. Wo yogenu si to wo kankanna ka wo bira boloko-yogomɛ-kɛ. Wo ti wo dɛnbɛn-mɔgɔ sɔrɔn.