Maika 2:3 - ALLALA KUMƐ

³ “Woletɔ Mari ko minnu bi kɛ sufa mala, a si nyankankantan lana anu kuma ka anu tɔrɔ, anu ti ke anu bɔla min kɔrɔ. Anu si tɔrɔyɛ sɔrɔn. Anu kɔmakɔmɛ si belenna tagamana.

Maika 2:3 Iomraidhean Croise

Aiseya 29:20

Minnu si mɔgɔ niyi ragbɛrɛn wo, minnu si Alla rasɛ wo, wonu wara-koe si ka-a-la feu! Hakɛ-tigi bɛɛ si kasara pɔ!

Aiseya 3:16

Mari ko, “Yerusalɛm musinu wasi-nya mafɛlɛn. Anu sungban siginɛ tala san ma. Anu bi keminɛnu wululula anu yɛ tɔnkɔn la. Anu bi tala anu tɛbulan ramagala. Anu kin-na-yɔlɔkɔ-kan ye tala bɔla anu kian la se se se.”

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Yɛrɛmaya 18:11

A ko n ni a fɔ wole, Yerusalɛm anubɛ Yuda nyamanita-mɔgɛ toe ye ko a ye kasarɛ rabɛn-tinɛ wo ye kaka. A ko wo ni wo fara wola karagbɛlɛya-koenu na wo ye min kun na kaka. Wo ni wola kɛ-nyanu yɛlɛma ka ko-latelennɛ kɛ.

Yɛrɛmaya 27:12

Nde, Yɛrɛmaya ya kumɛ kɛ le nyɔgɔn fɔ Mansa Sɛdɛkaya ye Yuda nyamanɛ rɔ. N ya a fɔ a ye ko, “I ni i nyɛrɛ latenbi Mansa Nɛbukanasa ma. Ni wobɛ ila mɔgɛnu wɔlita ale mansɛ anubɛ ala mɔgɛnu ye, wo si to wo niyi la

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Yɛrɛmaya 36:23

A wa ban kan-tina-kundi min karanna, mansɛ ni nyɔ tɛgɛ muru-nɛ la ka a labui tɛ rɔ. A banta gbole wo tɛgɛla a la wo nya na le ka a bɛɛ mintan gburr!

Yɛrɛmaya 43:2

Hosayala den Asaraya anubɛ Kareyala den Yohenan anubɛ wasinte gbɛrɛnu ya a fɔ n ma ko, “I foni. Mata Mari Alla ma a fɔ ko ma kana ta sigi Iyipiti.

Yɛrɛmaya 8:3

Mari Sɛnbɛ-Bɛɛ-Tigi ko wole, mɔgɔ-yogomɛ toe minnu tonɛ, a si wo gben wola nyamanɛ rɔ, ado gbɛlɛyɛ si karagbɛlɛ wonu bira nyamanɛ wonu tɔ ha saya-sɔgɛ ni wo bira a ye wo ranyɛnsɛnna kan min.

Nimisa Koe 1:14

“Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Nimisa Koe 5:5

Anu bi ma lagbengbenna iko sofɛlɛ-dunumatoe. Ma bandanta dɔgɔma-ma-de kɔnɔ sulen-kunya sa ma bolo.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Emɔsi 2:14

Hali buri-kɛla-wɛnu, wonu kian ra si faga kuluba! Fanka-tiginu si fɛya iko duduyi. Kɛlɛ-dan minnu bɛnta ka mɔgɔ-gbɛrɛnu nakisi, wonu ti ke anu nyɛrɛ gbuyɛ lakisila.

Emɔsi 3:1

“Woletɔ wole Isirɛla mɔgɛnu, a ya wole min nana ka bɔ Iyipiti, kɔni, Mari ye nala kumɛ min fɔla wo kan ma, wo ni wo tole masɔ wo la.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Emɔsi 5:13

Bawo a ma-kunya sa wole, mɔgɔ-tɔrɔnɛnu bolo, wo ni wo rade ka wo munyu anu kɔrɔ.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Romu 16:4

Anu bara anu niyi fili nde ye. Mabɛ sibolo-gbɛrɛnuna chɔchi bɛɛ ye baraka birala anu ye.

Ɛfɛsa 5:16

Wo kana wo nyɛrɛ matanbani. Wo ni wo raya ko-nyima-kɛ koe ma bawo tele kɛnu ma kin.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.