Maika 2:1 - ALLALA KUMƐ

¹ “Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maika 2:1 Iomraidhean Croise

Ko-Dabirɛnu 31:29

Sɛnbɛ ye n bolo ka i tɔrɔ kɔnɔ kunu suyi rɔ i fata Alla kumara n ye kiyo rɔ ko n ni a ma n fɛrɛma ko n kana i ragbɛrɛn hali ka kuma-yogomɛ fɔ i ma.

1 Mansɛnu 21:7

Yɛsɛbɛli ya a fɔ a ye ko, “Mansɛ le ma ile la? I yisi-kimɛ. I lasɔ. Ta fen dɔn tinɛ. Nde si Nebɔtila dugi sɔrɔn de i ye.”

Ɛsita 3:8

Wo kɔma, Heman ya a fɔ Mansa Sakasi ye ko, “Sibole donu basannɛ ila nyamanɛ kɛ la. Wonuta namunyɛ anubɛ mɔgɔ-wo-mɔgɔta ma kɛn. Min sanɛ wo kuma, ile nyɛrɛta tɔn siginɛnu, anu sa sɔnna wonu bira-koe ma. A ma bɛn, mɔgɔ-sufa wonu ni to anu niyi la ila nyamanɛ kɛ rɔ.

Ɛsita 5:14

Ala musi anubɛ a diyana-mɔgɛnu ya a fɔ ko, “Nfenna i ti mɔgɔ dun tinɛ ladan, Mɔdekɛyai kɛ si dun kan min? Wola yanyɛ ni ma nunkan-nya bi-sawa ani nunkan-nya wɔrɔ la. Sina sɔgɔma, i ni ta a fɔ mansɛ ye alako a ni Mɔdekɛyai dun wo la. Wo wa ka a la, i sewanɛ si ta mansɛ fɛ musi wo warɛ fen dɔn tinɛ.” Heman mirinɛ ko anu bara kuma-telennɛ le fɔ a ye wo la. A ya mɔgɔ dun tinɛ wo ladan.

Ɛsita 9:25

Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Yobu 15:35

Mɔgɛ wola miriya si buri ko-yogoma-kɛ rɔ tiriya! Anu yisi lafanɛ yanfanteyɛ la.

Yobu 24:14

A la wa fin, mɔgɔ-fagalɛ si ta bolo-kolɔnnu faga. A si ta kankanya-kɛ-tinɛ suyi rɔ fanani.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Yaburi 36:5

Mari, ila keninteya-dannatɛgɛbɛlɛ ye yɛlɛla ha san-kole. Ila lanayɛ ye tugula banda-finyɛ la.

Yaburi 58:3

Karagbɛlɛnu bi sɔrɔnna anuta karagbɛlɛyɛ la anu bolo. Anu bi sɔrɔnna lunyɛ min, anu bi foninya-fɔɛ dabirala wulɔn le.

Hɛnkilimaya-Kumɛnu 12:2

Mari diyana-mɔgɛ le mɔgɔ-nyimɛ la kɔnɔ a si yanfante tɔrɔ.

Hɛnkilimaya-Kumɛnu 14:22

Min bi ko-yogomɛ rabɛnna a hadama-den-nyɔgɛ kan ma, ko-nyima-kilɛ si to-a-rɔ wo ma. Kɔnɔ min bi ko-nyimɛ rabɛnna a hadama-den-nyɔgɛ ye, wo si diya mɔgɛnu ye. Anu si la a la fanan.

Hɛnkilimaya-Kumɛnu 3:27

Ni ko-nyimɛ kɛ-fɛrɛ ye i bolo, minnu makoe ye i la, i ni wo kɛ anu ye.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Aiseya 29:20

Minnu si mɔgɔ niyi ragbɛrɛn wo, minnu si Alla rasɛ wo, wonu wara-koe si ka-a-la feu! Hakɛ-tigi bɛɛ si kasara pɔ!

Aiseya 3:14

A ara kumɛ rabɛn ala mɔgɛnuna kun-tiginu anubɛ anuna mɔgɔ-banu kan ma. A ko, “Wo ara bui mɔgɛnu ma ka anuna ki-fannu bi anu bolo. Wola bɔnnu nafanɛ bolo-kolɔnnuna fannu na.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 5:8

Gbalo ye wo ma bawo wo ye wola wɔli-kɛ-tinɛnu anubɛ wola bɔnnu makofula. A ti mɛ tun dugi ti taran mɔgɔ-gbɛrɛkɛ ye yan, fɔ wo kelen pe min bi tola nyamanɛ kɛ rɔ.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Isikiyɛli 11:2

Mari ya a fɔ n ye ko, “Ile hadama-dan, kɛnu denu bi miriya-yogomɛnu tabɛnna ka Yerusalɛm kɛnu makawandi boloko-yogomɛ-kɛ.

Isikiyɛli 33:26

Anu bi mɔgɛnu fagala. Anu bi kisimiriya-koenu kɛla. Bɛɛ ye yɛlɛnyɛ kɛla. Nfen bi a tola, anu bi a fɔla ko anu denu denutan ye nyamanɛ wo la?

Isikiyɛli 38:10

N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Isikiyɛli 46:18

Mansɛ kana bui mɔgɛ ma ka a halala-dugi bi a bolo. Ni a ye dugi min dila ala dannu ma, fɔ a ni ma a halala-dugu-bɛrɛbɛrɛ la. Wo si a ma, a ti nde, Marita mɔgɛnu yakɔrɔ-mamɔ dugu-wara-koe la.”

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Nehami 1:11

Wole Ninɛfa kɛnu, mansɛ do bɔra i burɔ min sɔndɔmɛ lafanɛ kɛwuyɛ anubɛ yanfanteyɛ la. A ya yanfɛ rabɛn Mari kan ma.

Sakaraya 7:10

A ya a fɔ fanan ko wo kana a ragbɛlɛya kɛɛ-musinu anubɛ kelennɛnu anubɛ sibolo-gbɛrɛnu kuma minnu siginɛ wo tɛma. A ko wo kana a lagbɛlɛya fugarɛnu fanan kuma. Wo kana wo miri ko-yogomɛ ma wo nyɔgɔn kan ma.

Maraka 15:1

Tiriyante wo rɔ, subaga-dɛ ma, saraka-masɔla-wɛnu anubɛ Yahudiya-kɛmɔgɛnu anubɛ tɔn-karan-mɔgɛnu anubɛ mɔgɔ-ba-toe bɛɛ ya anu nyɔgɔn nadɛn ka sɔn Yisa faga-koe ma. Anu ya Yisa kiri ka ta a don Pailɛti bolo.

Luka 20:19

Tɔn-karan-mɔgɛnu anubɛ saraka-masɔla-wɛnu ya anu taya wo wati rɔ ko anu ni Yisa bira bawo anu ya a lɔn ko a ya tili kɛ tɛgɛ anu denu denuna ko la. Kɔnɔ anu kilanta mɔgɛnu na.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

Kɛwɔlɛnu 23:12

Wo banda kɛ, Yahudiya donu ya anu nadɛn ka ko-rabɛn-kɛ. Anu ya anu dato ko anu ti fen dɔn ka anu min, ni anu ma Pɔli faga fɔlɔn.

Kɛwɔlɛnu 23:15

Woletɔ wole kun-tigi-toenu ni sarakanɛ lata Romu kɛlɛ-den-kun-tigi-ba wara. Wo ni a ma iko wo ye a fɛ le ka Pɔlila koe fɛsɛfɛsɛ a kilɛ fɛ. Wo ni a fɔ a ye ko a ni ale Pɔli latenbi wo ma. Male si ma rabɛn ka a faga kilɛ la.”

Romu 1:30

ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Tɔn-Fɔɛ-Fila-Nyɔgɛ 28:32

Sibolo-gbɛrɛkɛ-mɔgɛnu si wola dannu bi ka ta anu ma yɔɔnnu na wo yala kɔnɔ sɛ sa wole ye. Wo yɛ ti bɔ kilɛ la wola dan wonu nasɛgi-koe rɔ kɔnɔ fufafu le wo la.