Maika 1:6 - ALLALA KUMƐ

⁶ Maika ya Mari kuman-kan latenbi mɔgɛnu ma ko a si Samariya soe ma tonbon-kole la. Nyɔ si ma fen-ki-tinɛnu na. Mari ko a si bon-kerinɛ wonu mirannu nakɛ a rɔ fole la, fɔ bon-gbɛnu, wonu denu bi tola.

Maika 1:6 Iomraidhean Croise

2 Samuwɛli 17:13

Ni a ya a buri, a ni ta a dogon so-wo-so burɔ, mala mɔgɛnu si yili sɔ soe wo tarɛ la ka a labui folo-wunban rɔ. Hali soe wo bɔn bɔnku kelan ti to a gbɛ rɔ kɔnkɛ wo kuma.”

2 Mansɛnu 18:10

Anu bi kɛlɛ wo kun na san sawa kɔrɔ kɔnɔ tɔ-a-la, kɛlɛ ya Samariya soe wo bira. Kɛlɛ ya Samariya soe kɛ bira wati min, wo ya a taran, Mansa Hɛsakaya ara san wɔrɔ bɔ mansayɛ la Yuda nyamanɛ rɔ. Mansa Hoseya ara san kɔnɔntɔ bɔ mansayɛ la Isirɛla nyamanɛ rɔ.

2 Mansɛnu 18:9

Mansa Hɛsakayala mansayɛ san nani nyɔgɛ ma Yuda nyamanɛ rɔ, Mansa Hoseyala mansayɛ fanan san wɔrɔnfila nyɔgɛ le wo la Isirɛla nyamanɛ rɔ. San wo le nyɛrɛ la, Asiriya Mansa Salamanisa nara bui Isirɛla nyamanɛ ma ka Samariya soe kurun.

2 Mansɛnu 19:25

“A ko Mansa Sɛnakaribu ma a lamɔɛn ko Marita miriya le kɛ la, ado a ye wo dafa tinɛ le, wa? Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 17:1

Mari ko Damasika soe si ma tonbɔn la,

Aiseya 25:12

A si Mohabu so-latankanɛ bɛɛ tii mɛmɛ hali tarɛ min bi yɛlɛla fulufele! Wo bɛɛ si bui gbangban rɔ.

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Yɛrɛmaya 31:5

A ko wo si ki-fannu ki tun Samariya kɔnkɛnu ma. Wo si wonu gbɔɛnu dɔn,

Yɛrɛmaya 51:25

A ko Babilɔn mani de iko fara-belebele-wɛ min si duninya bɛɛ halaki. Kɔnɔ Mari ko a yoge le ale la. A ko a si a latosokoro a kɔɛn la kɔnkɛ ma ka a mintan ka anu ma gbangban la!

Yɛrɛmaya 51:37

Nyamanɛ wo si ma tonbɔn la. Mɔgɔ ti taran nyɔ fɔ bintɔ-sogenu. Mɔgɔ-wo-mɔgɔ ya nyɔ yen, a kun ma si kɔ.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 4:1

Mala sɛnɛ min bi malan-malanna nun, wo ara tinya. Mala Bato-Bon-sɛnima-kurinu ta ara nyɛnsɛn Yerusalɛm lu-kole bɛɛ ma.

Isikiyɛli 13:14

Anu ya bɔnku-gbɛ layɛlɛ tarɛ min ma wo la, wola bu-koe latɛgɛni de n bolo. A tii-sɔgɛ ye n na mɛmɛ! A si bui foninya-wɔlɔyiya-kuma-fɔlɛnu tɔ ka anu nato dogbe! Bɛɛ ye a lɔnna wo le ma ko Mari le nde la.

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Habakuku 3:13

I tara ila mɔgɛnu nakanan-tinɛ ka ta ila mansa-yabɔnɛ kisi. Mɔgɛ minnu karagbɛlɛ, i wara wonuna kun-tigi kasara ka a gba-fɛ-bilalɛnu halaki pɔ!

Matiyu 24:2

A ko, “Wo ni bɔn kɛ bɛɛ mafɛlɛn bɛrɛkɛ! Wo ni wo hɛnkili to kɛ ko! Kuri kɛnu, hali kelen bɛrɛn ti to a gbɛ rɔ. A bɛɛ si wayan.”