Maika 1:5 - ALLALA KUMƐ

⁵ “Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Maika 1:5 Iomraidhean Croise

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

1 Mansɛnu 13:32

Allata mɔgɛ kɛ ya kumɛ minnu fɔ saraka-mintan-tinɛ kɛla ko la min bi Bɛtɛli soe burɔ anubɛ Samariya soenuna kɔ tinɛnuna ko la, wo dama si ma tonyɛ la, yɔ!”

1 Mansɛnu 16:24

Wo kɔma, a tara kɔnkɛ do san Samari ma wodi-gbɛ la minna gbiliyɛ anubɛ fui-fan bɔrɔ kelen rakɛn de! Ale Mansa Hɔmɔri ya soe datɛgɛ nyɔ rɔ ka nyɔ latanka. A ya dugu-tigi-kɔrɛ wo tɔgɛ sa soe wo kuma ko Samariya.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

2 Ko-Kɔrɔta-Karan 34:4

Ala mɔgɛnu ya Beyali kɔ tinɛnu tinya ka isɛnti mintan tinɛnu tinya minnu bi bɛsɛ wonu dafɛ. Anu ya bɛsi-musi Asura wonubɛ bɛsɛ doinu tabunden. Wo kɔma, a ya bɛsɛ wonu gbangbannu kɛ bɛsɛ wonu masɔlɛnu kaburunu kuma.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Yɛrɛmaya 2:17

A ko wo nyɛrɛ gbɛ le wo la, yɔ! Wo mara bawo wo ara wo kan-kɔ sɔ ale wota Mari Alla la wo tumɛ a sɔnɛ wo yarɔ wulɛ rɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 23:13

A ko a ara Samariya nɛbinu hakɛ yen a kolan la. Anu bi yarɔ-kumɛnu fɔla bɛsi Beyalila ko rɔ. Anu bara a ma, ata Isirɛla mɔgɛnu bara kilɛ maka.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 4:18

A ko wo sɔn anubɛ wo kɛ-nya le wara kasarɛ kɛ lana wo kuma. A ko wo ye tɔrɔla nya min, wo le kɛ la. A ko dumɛ si wo sɔgɔ wo yisi rɔ.

Yɛrɛmaya 5:25

Mari ko wo sɔn-yogomɛ anubɛ wo hakɛnu denu bara a ma, fen sa mala-a-la wo bolo.

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Nimisa Koe 5:16

Ma wasinɛ fan min bɛɛla ko la nun, wo fenfen ma to ma bolo tun. Gbalo ye ma kuma bawo ma ara hakɛ min kɛ.

Isikiyɛli 16:46

I kɔrɔ-musi le Samariya soe min bi kan tɔ anubɛ a so-mɛsɛnɛnu. I dɔgɔ-musi le Sɔdɔm soe min bi dugu la anubɛ a so-mɛsɛnɛnu.

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Emɔsi 7:9

Nɛbi Emɔsi ya Mari kuman-kannu natenbi ko, “Isiyaka kegeyɛnu bi ale Mari batola anuta kan-tina-sɛnimɛ minnu tɔ Isirɛla nyamanɛ rɔ, Mari ko a si kan tinɛ wonu kasara ka nyɔnu ma tonbon-kole la. Mari ko a si mansayɛ bɔ Mansa Yɛrabowami kebilɛ bolo.”

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Maika 1:13

“Lesi soe wo tɔgɔ-kɔrɛ mani de iko ‘so-kurɔn min si kirindi sagan.’ Wole Lesi mɔgɛnu, wo ni wola soeenu kiri wola kirindinu na alako wo buri-koela ko la. Wo ya wo sanka Isirɛla nyamanita-mɔgɛnu ma hakɛ-kɛ-koe rɔ ka na wo la Yuda nyamanɛ rɔ. Wo ara a ma, Yerusalɛm mɔgɛnu bara anu sanka wole fanan ma hakɛ-kɛ-koe rɔ.