Maika 1:3 - ALLALA KUMƐ

³ Mari si bɔ ata kan-tina-sɛnimɛ wo rɔ ka yigi dugi ma ka tagama kɔnkɛnu kuma.

Maika 1:3 Iomraidhean Croise

Yobu 40:12

Ni minnu ya anu nyɛrɛ lɔn fen na, i ni anu nayarabi. Karagbɛlɛnu sɔnɛ kan min, i ni anu gbesi a rɔ nyɔ.

Yaburi 115:3

Mata Alla ye Arinyɛni tɔ. Min ba diya a ye, a ye wo le mala.

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 9:5

Ma Tigi Mari Sɛnbɛ-Bɛɛ-Tigi wa a kɔɛn tugu dugi la, a ra si maga. Nyɔ-sigilɛnu si di biribiri, ado dugu-kole mumɛ si yigi-ni-yɛlɛ kɛ iko Nayɛli bɛ si yɛlɛ ka sagan nya min.

Habakuku 3:19

Ma tigi Mari le n sɛnbɛ la. A ya n kian banban dugi ma iko mina ka n nakanan kɔnkɛnu kuma.

Sakaraya 14:4

Wo wati rɔ, a si sɔ Ɔlifi kɔnkɛ kuma Yerusalɛm tele-bɔɛ wara la. Kɔnkɛ wo si bɔ tiila tele-bɔɛ wara la ha tele-yigi. A tɔnkɔn kelan si ta kantɔ-wara la, a tɔnkɔn doi ni ta dugula wara la.

Tɔn-Fɔɛ-Fila-Nyɔgɛ 32:13

“A ya a ma, wo taranta wo diya kɔnkɔ-layan-bɛnu kuma lanyiri-nyamanɛ rɔ. Wo ya fen siyaman sɔrɔn wola sɛnɛnu tɔ. Wo ya liyi taran faran-woenu na. Wola ki-fannu mara-a-la hali wɔsɔkɔrɔ-duginu tɔ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”