Maika 1:1 - ALLALA KUMƐ

¹ Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.

Maika 1:1 Iomraidhean Croise

2 Mansɛnu 15:32

Mansa Rɛmalayala den Pekala mansayɛ san fila nyɔgɛ ma Isirɛla nyamanɛ rɔ, Mansa Yusayala den Yotam mara mansɛ la Yuda nyamanɛ rɔ san wo le la.

2 Mansɛnu 15:5

Mari ya a ma, Yusaya ya kiraya-yogomɛ do sɔrɔn a fɛrɛ ma, ado kirayɛ wo tora a ma ha a lakirayara. Ka a tɛgɛ kirayɛ wo ma, a tora sigini bɔn do la a dan na. Ale ma mansaya-wɔli kɛ tun fɔ ala den Yotam, a ya wo le ma ala nyamani-kumafɛlɛnnɛ la.

2 Mansɛnu 16:1

Rɛmalayala den Mansa Peka, ala mansayɛ san tan-ni-wɔrɔnfila nyɔgɛ ma Isirɛla nyamanɛ rɔ, Mansa Yotamna den Ehasi mara mansɛ la Yuda nyamanɛ rɔ san wo le la.

2 Mansɛnu 18:1

Ilala den Mansa Hoseyala mansayɛ san sawa nyɔgɛ ma Isirɛla mɔgɛnu kun na, Mansa Ehasila den Hɛsakaya mara mansɛ la Yuda nyamanɛ rɔ san wo le la.

2 Ko-Kɔrɔta-Karan 28:1

Ehasi ya mansayɛ sɔrɔn a sɔrɔn-san mogan nyɔgɛ le ma. San tan-ni-wɔrɔ, a ye mansayɛ la ka bɔ Yerusalɛm soe burɔ. Ale ma a benba Mansa Dawuda sɔn-nyimɛ bi, ado a ya min ma, wo ma ata Mari Alla hɛnɛ.

2 Ko-Kɔrɔta-Karan 29:1

Hɛsakaya mara mansɛ la a sɔrɔn-san mogan-ni-loli nyɔgɛ le ma. San mogan-ni-kɔnɔntɔ fanan, a ye mansayɛ la ka bɔ Yerusalɛm soe burɔ. A na le Sakarayala den Abaya la.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 7:1

Mansa Yotamna den, Mansa Ehasi, Mansa Yusaya mamanɛ, kɔni, wo ye Yuda nyamanɛ kun na tumɛ min, kɛlɛ donta nyamanɛ kun na. Siriyanuna Mansa Risen anubɛ Isirɛla mansɛ Rɛmalayala den Peka, wonu nadɛnta ka Mansa Ehasi kɛlɛ Yuda nyamanɛ rɔ. Kɔnɔ anu ma ke Yerusalɛm nɔla, Yuda nyamanɛla so-karantan, kɔni.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Hoseya 1:1

Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 8:14

“Wole Isirɛla mɔgɛnu bara bon-hakikɛnu sɔ wo nyɛrɛ ye ka nyina nde, wo Dali-Mari ko salon! Wole Yuda kɛnu fanan bara wola so-latankanɛnu sɔ kɔnɔ nde, Mari si tɛ layigi ka bon-hakikɛ wonubɛ so-latankanɛ wonu mintan gburr!”

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Maika 3:9

Kɔnɔ wole Isirɛla mɔgɔ-banu, wo ni wo tole masɔ de! Ko-latelennɛ ma di wo ye mumɛ! Wo si tonyɛ yɛlɛma foninyɛ la.

Habakuku 1:1

Mari ya kilayɛ min di nde, Nɛbi Habakuku ma ko-rayirɛ rɔ, wo le kɛ la.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.