Luka 9:7 - ALLALA KUMƐ

⁷ Mansa Hɛrodi min siginɛ Kalili sigisɔn kun na, wo ya koe kɛ bɛɛ lamɔɛn tumɛ min, a kɔndɔfilita wola ko la bawo mɔgɛ donu ko Yɔni-Batasi-Kɛlɛ ara sɛgi a niyi la tun!

Luka 9:7 Iomraidhean Croise

Yaburi 73:19

Anu si halaki tiriya! Anu na si to kumakɔɛ bolo.

Aiseya 22:5

Ko-Rayira-Lɛɛ wo rɔ, fenfen sa nyɔ fɔ kumakɔɛ anubɛ nɔ-koe anubɛ yisi-tɛgɛ, ado ma Tigi Mari Alla Sɛnbɛ-Bɛɛ-Tigi ya wonu nana ma kuma. Tarɛ min mininɛ mala soe ma, wo ara bui. Diyi min bɛɛ kɛra, kɔnkɛnu ya wo kuli wonu nabira.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Matiyu 11:2

Yɔni-Batasi-Kɛlɛ ye yele la tumɛ min, a ya Allata-Mɔgɔ-Yabɔnɛla wɔli-kɛ-tɔgɛ lamɔɛn, Yisa, kɔni. Woletɔ a ya ala karan-dan donu nata Yisa wara.

Maraka 8:28

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya. Donu fanan ko nɛbi-gbɛrɛ le.”

Luka 13:31

Wo wati nyɛrɛ rɔ, Farisi donu nara Yisa wara ka a fɔ a ye ko, “A fisa, i ni bɔ yan ka ta kan-tina-gbɛrɛ rɔ bawo i faga-sɔgɛ ye Hɛrodi la.”

Luka 21:25

“Tamaserenu si sa tele anubɛ karɛ anubɛ lolenu ma. Duninya-mɔgɛ bɛɛ yigi si tɛgɛ ka kilan kɔgɔ-yi wɔyɔ-kan anubɛ a mɔrɔn-wɛla ko la.

Luka 23:7

A ya a lamɔɛn tumɛ min ko Yisa bɔra Mansa Hɛrodila nyamanɛ le tɔ, a ya a lata nyɔ-kun-tigi, Hɛrodi ma. Wo wati ya a taran, ale fanan ye Yerusalɛm soe burɔ.

Luka 3:1

Mansa-Ba Taibiriyasi, Romu kun-tigi-ba, kɔni, wola mansayɛ san tan-ni-loli nyɔgɛ ma, Pontiyasi Pailɛti fanan bi kun-tigiyɛ la Yahudiya nyamanɛ rɔ, ado Mansa Hɛrodi ye mansayɛ la Kalili sigisɔn kun na. A na-kelen-nyɔgɛ Mansa Filipi ye mansayɛ la Aituriya anubɛ Tarakoniti sigisɔnnu kun na. Mansa Laiseniya ye mansayɛ la Abilin sigisɔn kun na.

Luka 9:19

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya le ile la. Donu fanan ko nɛbi-kɔrɔmɛ do ara wuli tun.”