Luka 9:51 - ALLALA KUMƐ

⁵¹ Yisa-yɛlɛ-tumɛ Arinyɛni tɔ, wo gbɛrɛnta tumɛ min, a ya a latɛgɛ ko a ni ta Yerusalɛm.

Luka 9:51 Iomraidhean Croise

2 Mansɛnu 2:11

Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Luka 12:50

N bi nala ko-gbɛlɛmɛ do sɔrɔnna. Fɔ n ba dumɛ siyaman sɔrɔn yanni a ni to banna.

Luka 13:22

Yisa tamatoe Yerusalɛm, a tara so-wɛnu anubɛ so-mɛsɛnu tɔ mɔgɛnu karan tinɛ.

Luka 17:11

Yisa ye tala Yerusalɛm tumɛ min, a tenbira Samariya anubɛ Kalili sigisɔnnu tɔ.

Luka 18:31

Yisa ya ala karan-den tan-ni-filɛ wonu bi anu dan na ka a fɔ anu ye ko, “Wo ni wo tole masɔ! Ma ye tala Yerusalɛm. Nɛbinu ya koe min bɛɛ sɛbɛ nde, Hadama-dan la ko la, wonu si na bɔ-a-la nyɔ.

Luka 19:11

Minnu tole masɔnɛ a la wulɔn, Yisa ya tili kɛ tɛgɛ wonu ye. Kɛ wati ya a taran, a gbɛrɛnnɛ Yerusalɛm ma. Anu yili ye a ma ko Allala mansayɛ bɔmatoe le gbɛ rɔ.

Luka 19:28

Yisa ban kɛ fɔla, a sɔra ala karan-dannu yarɔ ka Yerusalɛm kilɛ bira.

Luka 24:51

Nba, a ye duwala anu ye tumɛ min, a bɔra anu dafɛ. A layɛlɛta Arinyɛni tɔ.

Luka 9:57

Anu bi kilɛ la tumɛ min, kei do ya a fɔ Yisa ye ko, “I tara kan-bo-kan, n tabɛnnɛ ka bila i fɛ nyɔ.”

Yɔni 13:1

Nba, a ara to nun tele kelen yanni Kanan-Ko-Ladiyɛ ni ke. Yisa ya a lɔn ko ala wati ara ke ka bɔ duninya rɔ ka sɛgi a Fa Alla warɛ. Atɛ ye minnu na duninya rɔ, wonu di a ye, ado wonu di a ye ka a dan natenbi.

Yɔni 16:28

N bɔra n Fa Alla warɛ le serr, ka na duninya kɛ rɔ. Kaka, n bi bɔla duninya kɛ rɔ ka sɛgi n Fa Alla warɛ.”

Yɔni 16:5

Kɔnɔ kaka, min ya n sɔ, n bi tala wo warɛ kɔnɔ wo fenfen sa n manyinikala ni n bi tala kan min.

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Yɔni 6:62

Nde, Hadama-dan bɔra kan min nun, ni wo ya n yen sɛgila nyɔ don?

Kɛwɔlɛnu 1:9

A ban kɛ fɔla tumɛ min, a yɛlɛta Arinyɛni tɔ anu yala. A tununta banda-finyɛ rɔ yen!

Ɛfɛsa 1:20

sɛnbɛ kelan wo le ya Kirasiti lawuli ka bɔ furinu tɛma. Sɛnbɛ kelan wo ya Kirasiti sigi Alla kɔɛn-nyimɛ rɔ Arinyɛni tɔ.

Filipai 3:14

Alla wa n kele ko n ni yɛlɛ san ma ka habadan-nimayɛ kɛ Yisa Kirasiti baraka rɔ, nta barayi le wo la. Woletɔ n bi n burila ka n telen dan wo la, yɔ!

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.