Luka 9:41 - ALLALA KUMƐ

⁴¹ Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn! N ni to wo fɛ ha tumɛ nyamintan? N si n munyu wo kɔrɔ ha tumɛ nyamintan?” A ya a fɔ kei wo ye ko, “Na ila dan la yan.”

Luka 9:41 Iomraidhean Croise

2 Mansɛnu 5:8

Nɛbi Ilaisa ya a lamɔɛn tumɛ min ko Isirɛla mansɛ ara ala duruki rafara a kan na, a ya kilayɛ lata a ma. A ko, “I yisi kana tinya. Hali i ma ila duruki rafara nun. Mɔgɛ min tara i wara wo la, a lana n ma. N si a yira a la ko nɛbi ye Isirɛla nyamanɛ kɛ rɔ yan!”

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 16:28

Mari ya a fɔ Musa ye ko, “Wo si n kan to a gbɛ rɔ wati nyamintan gbɛ?

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Yilan-Yilan Koe 14:27

“Mɔgɔ-yogomɛ kɛnu si to gbunya-kumɛ fɔla n ma ha wati mintan? Mɔgɛ kɛnuna gbunya-kumɛ sɔgɔ-wo-sɔgɔ sa n na tun!

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Matiyu 12:39

Yisa ya a fɔ anu ye ko, “Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.

Matiyu 12:45

A si ta worɔ ka na nyina wɔrɔnfila gbɛrɛ la a bolo minnu yogo ale nyɛrɛ ko. Anu si na ka anu sigi a fɛ bɔn wo la. Nba, mɔgɛ wola ban si yogoya ka tenbi a fɔlɔtɛ la. A si ma bita mɔgɔ-yogomɛnu na wo nya na le fanan.”

Matiyu 16:4

Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.” Woletɔ a bɔra anu fɛ ka ta.

Matiyu 17:17

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn. N ni to wo fɛ wati nyamintan tɔ tun? N ni n munyu wo kɔrɔ ha tumɛ nyamintan? Wo na dennɛ wo la n bara yan!”

Matiyu 23:36

Wo ni wo hɛnkili to kɛ ko! Wole si tɔrɔyɛ sɔrɔn wo damala ko la!

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Maraka 10:14

Yisa ya wo yen tumɛ min, a diminyara ka a fɔ ala karan-dannu ye ko, “Wo ni sɔn dennɛnu ni na n bara! Wo kana anu mabeli bawo anu denu denuta ye Allala mansayɛ la.

Maraka 10:49

Yisa sɔra. A ko, “Wo ni a kele.” Woletɔ anu ya fiyɔn wo kele. Anu ko, “I yisi ni kimɛ! I lasɔ. Karan-mɔgɔ ye i kelela.”

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Luka 8:25

A ya a fɔ ala karan-dan wonu ye ko, “Wola dɛnkɛninyɛ ye mi?” Kɔnɔ anu dama kilanta. Anu kawara ka a fɔ anu nyɔgɔn ye ko, “Nfen mɔgɔ-sufa ye kɛ la? A ye fɔnyɔ anubɛ yi makumala, ado wo bɛɛ ye ata kumɛ birala!”

Luka 9:40

N ya ila karan-dannu madiya ko anu ni a gben, a ni bɔ a fɛ kɔnɔ anu ma a nɔ.”

Luka 9:42

Anu bi nala dennɛ la tumɛ min, nyinɛ ya a layɛrɛyɛrɛn ka a labui. Yisa ya a fɔ nyina-yogomɛ wo ye ko a ni bɔ a fɛ. A ya denni-lakɛndɛyanɛ don a fa bolo tun.

Yɔni 14:9

Yisa ya a yabi ko, “Filipi, ma ara mɛ ma nyɔgɔn fɛ wona kati! I ko ha bi, i ma n lɔn, ba? Min bara nde yen, wo ara n Fa Alla yen. Ile ye a fɔla kama worɔ ko n ni n Fa Alla yira wo la?

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Kɛwɔlɛnu 13:18

A ya a munyu anu kɔrɔ wula-da-rakolɔn rɔ san bi-nani kɔrɔ.

Kɛwɔlɛnu 2:40

Pita ya anu kawandi ka kuma-siyaman fɔ anu ye. A ko, “Wo ni wo nyɛrɛ kisi ka bɔ tɔrɔyɛ wo rɔ min bi nala mɔgɔ-yogomɛnu kan ma wola foolɛ rɔ!”

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Tɔn-Fɔɛ-Fila-Nyɔgɛ 32:5

Kɔnɔ telenbɛlɛ le wole la. Hali mɔgɔ ma wo kele Allata mɔgɛnu. Wo fanɛ hakɛ anubɛ yanfanteyɛ la.

Hiburunu 3:19

Ma ara a yen worɔ ko anu ma ke donna bawo anu ma dɛnkɛninya Allata kumɛ ma.

Hiburunu 4:11

Nba, ma ni ma raya worɔ alako ma ni sulen tinɛ wo masɔrɔn. Ma fenfen kana ma kuma-birabɛlɛ la iko anu denu ya a ma nya min. Wo le ya a ma, anu foora Allata sulen tinɛ la.

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!