Luka 9:32 - ALLALA KUMƐ

³² Pita anubɛ a ta-nyɔgɛnu bi kinɔgɔla nun kɔnɔ anu kundenta tumɛ min, anu ya Yisala gbiliyɛ yen anubɛ mɔgɔ filɛ minnu sɔnɛ a dafɛ.

Luka 9:32 Iomraidhean Croise

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Daniyɛli 10:9

Ale mɔgɔ-makawanɛ kɛ kan lamɔɛn n bolo, n kirɔnta-a-la. N naburunta a ma dugi ma.

Daniyɛli 8:18

A ye kumɛ wo kun na n ye, n kirɔnta-a-la. Kɔnɔ a ya n bira ka n nasɔ.

Maraka 14:40

A sɛgira tun. A ya karan-dannu taran, anu bi kinɔgɛ rɔ. Anu ma ke kila anu ya la. Anu si min fɔ a ye, anu ma wo lɔn.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

2 Pita 1:16

Ma ya wo lalɔn ma Mari Yisa, Allata-Mɔgɔ-Yabɔnɛta sɛnbɛ anubɛ ala nɛ la tumɛ min, ma ma bila mɔgɛnuna halliya-kumɛ fɛ. Ma ya ala gbiliya-wɛ yen ma nyɛrɛ yɛ la!

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!