Luka 9:22 - ALLALA KUMƐ

²² Yisa ko, “Anu si nde, Hadama-dan tɔrɔ kati! Kɛmɔgɛnu anubɛ saraka-masɔlɛnu anubɛ tɔn-karan-mɔgɛnu si anu ban n na. Anu si n faga kɔnɔ a tele sawa nyɔgɛ, n si wuli tun.”

Luka 9:22 Iomraidhean Croise

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Matiyu 17:12

Kɔnɔ n bi kɛ fɔla wo ye, Nɛbi Ilaya ara na nun. Mɔgɛnu ma a lɔn Ilaya la nun fɔ ka anu diyana-koe bɛɛ kɛ a la. Anu si nde, Hadama-dan fanan bira boloko-yogomɛ-kɛ wo nya na le.”

Matiyu 17:22

Yisala karan-dan bɛɛ ya anu nadɛn anu nyɔgɔn fɛ Kalili sigisɔn rɔ tumɛ min, Yisa ya a fɔ anu ye ko, “Anu si nde, Hadama-dan don mɔgɛnu bolo tɔ.

Matiyu 27:63

Anu ko, “N fa, foninya-fɔlɛ wo ya min fɔ wo tumɛ a kɛndɛ, ma hɛnkili tonɛ wo ko. A ko tele sawa wa tenbi tumɛ min, a si wuli tun ka bɔ furinu tɛma.

Maraka 8:31

Wo kɔma, Yisa ya ala karan-dannu karan dabira. A ko, “A fɛrɛ sa fɔ nde, Hadama-dan ni tɔrɔ Yahudiya-kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. Anu si anu ban n na ka n faga. A tele sawa nyɔgɛ, Alla si n nawuli tun ka bɔ furinu tɛma.”

Maraka 9:31

bawo a ye ala karan-dannu karan tinɛ. A ko, “Anu si nde, Hadama-dan don mɔgɛnu bolo tɔ. Anu si n faga. Kɔnɔ a tele sawa nyɔgɛ, Alla si n nawuli tun ka bɔ furinu tɛma.”

Luka 17:25

Kɔnɔ fɔ n ni tɔrɔyɛ sɔrɔn fɔlɔn bɛrɛkɛ, ado bi-mɔgɛnu si anu ban n na.

Luka 24:26

Ko Allata-Mɔgɔ-Yabɔnɛ ni tɔrɔ, wo kɔma, a ni don ata gbiliyɛ rɔ, wo ma bɛn, wa?”

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Luka 24:7

A ko nun fɔ ale, Hadama-dan ni don hakɛ-tiginu bolo minnu si a gbangban kɔlɔma ma. A ko a tele sawa nyɔgɛ, a si wuli ka a niyi lafɛ tun.”

Luka 9:44

“N bi min fɔla wo ye, wo kana nyina wo ko! Anu si nde, Hadama-dan don mɔgɛnuna sɛnbɛ kɔrɔ.”

1 Kɔrɛnti 15:4

Anu ya a togon. A lawulita a tele sawa nyɔgɛ ma iko a sɛbɛnɛ Allala kitabu rɔ nya min.

1 Pita 1:11

Kirasitila Niyi min bi anu tɔ, wo ya wati wola koe fɔ anu ye. Kirasiti si na tɔrɔyɛ minnu sɔrɔn anubɛ gbiliyɛ min si bɔ tɔrɔyɛ wo kɔma, anu ya wo bɛɛ faranfasi. Anu ya anu taya wati wo lɔn-koe ma anubɛ a si na nya min.