Luka 9:20 - ALLALA KUMƐ

²⁰ A ya anu manyinika ko, “Wole don? Wole ko kama? Yon bi nde la?” Pita ya a yabi ko, “Allata-Mɔgɔ-Yabɔnɛ le ile la!”

Luka 9:20 Iomraidhean Croise

Yɔni 7:41

Donu ko, “Alla ya mɔgɛ min yabɔ ma kisi-koe la, ale le kɛ la, yɔ!” Kɔnɔ donu fanan ko, “Wo ti bɔ Kalili sigisɔn rɔ!

Yɔni 4:29

“Wo na kei do yen min bara n wara-koe bɛɛ fɔ n ye. Fɔsɔkɔrɛ Allata-Mɔgɔ-Yabɔnɛ le min bi nala ma kisi-koe la!”

Kɛwɔlɛnu 17:3

ka a yira anu na ko fɔ Allata-Mɔgɔ-Yabɔnɛ ni tɔrɔ ka bɔ furinu tɛma. Pɔli ko, “N bi Yisa minna koe fɔla wo ye, Allata-Mɔgɔ-Yabɔnɛ le.”

Kɛwɔlɛnu 9:22

Sɔlila kawandili-sɛnbɛ tora koloyala. A ya a ragbɛ bɛrɛkɛ ko Allata-Mɔgɔ-Yabɔnɛ le Yisa la. Yahudiya minnu siginɛ Damasika soe burɔ, wonu ma ke a nɔla kumɛ rɔ tun.

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yɔni 11:27

Marata ya a yabi ko, “Ɔnde, Mari, n bara la a la ko Allata-Mɔgɔ-Yabɔnɛ min si ma kisi, wo le ile la, Allata dan, kɔni. Nɛbinu ya i lana-koe fɔ duninya kɛ rɔ nun.”

Yɔni 4:42

Minnu dɛnkɛninyara, wonu ya a fɔ musi wo ye ko, “Ma ara dɛnkɛninya kaka kɔnɔ ma ma dɛnkɛninya ila kumɛla ko la de! Ma lara a la bawo male nyɛrɛ ara a kan lamɔɛn. Male ya a lɔn serr, ko duninya-kisilɛ le ale la.”

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

Yɔni 1:41

Anduru ya min fɔlɔn ma, a tara a na-kelen-nyɔgɔn Saimon yen tinɛ. A ya a fɔ a ye ko, “Alla ya mɔgɛ min yabɔ ma kisi-koe la, anu bi min kelela ko Masiya, ma ara wo yen.” (Masiya kɔrɛ le ko, “Kirasiti.”)

Maraka 8:29

A ya anu manyinika ko, “Wole don? Wole ko kama? Yon bi nde la wole yala?” Pita ya a yabi ko, “Allata-Mɔgɔ-Yabɔnɛ le ile la.”

1 Yɔni 5:1

Min lanɛ a la ko Allata-Mɔgɔ-Yabɔnɛ le Yisa la, Allala dan le wo tigi la. Ma Fa Alla di min ye, ma Fa Allala dan di wo fanan ye.

Kɛwɔlɛnu 8:36

Anu bi tala kilɛ la tumɛ min, anu kera yi do ma. Woletɔ kun-tigi wo ko, “Yi kɛ mafɛlɛn. Nfen bi a tola gbɛ, n sa batasila?” [

Luka 22:67

Anu ko, “Allata-Mɔgɔ-Yabɔnɛ le ile la, wa? A fɔ ma ye.” A ya anu yabi ko, “Ni n ya wo fɔ wo ye, wo ti la a la,

Maraka 14:61

Kɔnɔ Yisa ya a made. Hali dafa, a ma a tɛgɛ. Saraka-masɔla-kun-tigi-wɛ ya a manyinika tun ko, “Allata-Mɔgɔ-Yabɔnɛ le ile la, Alla gbiliyanɛta dan, kɔni?”

Matiyu 22:42

“Wota miriya ye kama Allata-Mɔgɔ-Yabɔnɛla ko la? Yon bɔnsɔn ye ale la?” Anu ya a yabi ko, “Mansa Dawuda bɔnsɔn le.”

Matiyu 5:47

Ni i ya i diyana-mɔgɛ dɔrɔn kɔndɔn, i wara nfen ma worɔ ka tenbi mɔgɛ doinu na? Hali minnu sa Alla batola, wonu fanan si wo ma!

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Luka 9:19

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya le ile la. Donu fanan ko nɛbi-kɔrɔmɛ do ara wuli tun.”