Luka 9:18 - ALLALA KUMƐ

¹⁸ Yisa kelen pe ye Alla madiyala tumɛ min a dan na, ala karan-dannu nara a wara. A ya anu manyinika ko, “Mɔgɛnu ko kama nna ko la? Yon bi nde la?”

Luka 9:18 Iomraidhean Croise

Matiyu 14:23

A banta nyama masarala tumɛ min, a yɛlɛta kɔnkɛ kuma a dan na ka madiyali kɛ. Wurɛ kenɛ, a kelen pe le tora nyɔ.

Matiyu 26:36

Wo kɔma, Yisa anubɛ ala karan-dannu tara kan tinɛ do rɔ min tɔgɔ Kɛtisɛmani. A ya a fɔ anu ye ko, “Wo sigi yan, nde ye tala Alla matarala pan.”

Luka 11:1

Lunyɛ do, Yisa ye madiyali kɛla kan tinɛ do rɔ. A banta tumɛ min, ala karan-dan do ya a fɔ a ye ko, “Mari, ma si Alla madiya nya min, ma karan wo la iko Yɔni ya ala karan-dannu karan nya min.”

Luka 3:21

Yɔni banta sɛrɛ bɛɛ batasila lunyɛ min, wo kɔma, a ya Yisa fanan batasi. Yisa ye Alla madiyala tumɛ min, Arinyɛnɛ dɛ lakara.

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

Luka 9:19

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya le ile la. Donu fanan ko nɛbi-kɔrɔmɛ do ara wuli tun.”

Luka 9:28

Yisa banta koe kɛnu fɔla tumɛ min, a lɔgɔkun kelen nyɔgɛ, a ya Pita anubɛ Yɔni anubɛ Yemesi bi ko anu ni bila a fɛ Alla madiya tinɛ kɔnkɛ kuma.

Luka 9:29

A ye Alla madiyala tumɛ min, a yakɔrɛ yɛlɛmanta. Ala kurɛ gbɛra perr!