Luka 9:16 - ALLALA KUMƐ

¹⁶ Yisa ya biredi loli anubɛ yɛgɛ filɛ wonu bi ka a yɛ layɛlɛ san ma. A ya baraka bira Alla ye anuna ko la ka anu takeri ka anu don ala karan-dannu bolo alako anu ni a ratala mɔgɛnu tɛma.

Luka 9:16 Iomraidhean Croise

Matiyu 14:19

A ya a fɔ mɔgɛnu ye ko anu ni sigi binyɛ kuma. Wo kɔma, a ya biredi loli anubɛ yɛgɛ filɛ wonu bi. A ya a yɛ layɛlɛ san ma ka baraka bira Alla ye. A ya biredi loli wo rakerikeri ka a don ala karan-dannu bolo. Karan-dannu ya wonu di mɔgɛnu ma.

Matiyu 15:36

Wo kɔma, a ya biredi wɔrɔnfilɛ anubɛ yɛgɛ wonu bi ka baraka bira Alla ye. A ya anu takerikeri ka anu don ala karan-dannu bolo. Karan-dannu ya a di mɔgɛnu ma.

Maraka 7:34

Yisa ya a yɛ layɛlɛ san ma. A ya a niyi lafɛ kinikinɛ ma fɛɛɛ! A ya a fɔ kei wo ye ko, “Tole, i la ni ka!”

Luka 22:19

Wo kɔma, a ya biredi bi ka baraka bira Alla ye. A ya a rakerikeri ka a di anu ma. A ko, “N fɛrɛ-bɔnkɛ le kɛ la n bara min ni wola ko la. Wo ni kɛ ma alako wo hɛnkili si to n ko nya min.”

Luka 24:30

A sigira anu fɛ tebulu la. A ya biredi bi ka baraka bira Alla ye. Wo kɔma, a ya biredi rakerikeri ka a di anu ma.

Luka 9:15

Karan-dannu ya anu dama lasigi.

Luka 9:17

Anu dama ya wo dɔn ka fa pen! Mɔgɛnu datoe, ala karan-dannu ya gbengberan tan-ni-fila lafa wo la.

Yɔni 6:11

Yisa ya biredi wo bi ka baraka bira Alla ye. A ya a rafara mɔgɔ siginɛ wonu tɛma. A ya yɛgɛ wo fanan ma wo nya le. Anu dama fara pen, iko a di anu ye nya min.

Yɔni 6:23

Kulɔn donu bi bɔla Taibiriya soe burɔ, Mari ya baraka bira Alla ye kan min nun ka biredi di mɔgɛnu ma, kulɔn wonu sɔra kan tinɛ wo rɔ.

Kɛwɔlɛnu 27:35

Pɔli banta kɛ fɔla tumɛ min, a ya biredi do bi ka baraka bira Alla ye anu dama yala. A ya a rakeri ka do dɔn anu yala.

Romu 14:6

Minnu miriya ko tele do ma tenbi tele do la, anu bi wo mala Marita gbiliyɛla ko la. Minnu bi fan bɛɛ dɔnna, anu bi wo mala Marita gbiliyɛla ko la fanan, ado anu bi baraka birala Alla ye dɔn-fan wola ko la. Minnu sa fan donu dɔnna, wonu fanan bi wo mala Marita gbiliyɛla ko la, ado anu fanan bi baraka birala Alla ye.

1 Kɔrɛnti 10:30

Ni n ya baraka bira Alla ye nna dɔn-fanla ko la, nfenna worɔ, mɔgɛ si a fɔ ko n bara ko-yogomɛ le ma?”

1 Kɔrɛnti 11:24

ka baraka bira Alla ye. A ban a rakerila, a ko, “N fɛrɛ-bɔnkɛ le kɛ la min bi wola ko la. Wo ni kɛ dɔn alako wo yili ni to n ko nya min.”