Luka 8:54 - ALLALA KUMƐ

⁵⁴ Kɔnɔ Yisa ya a bira a bole ma ka a fɔ a ye ko, “Dunmusu-nɛ, i lasɔ!”

Luka 8:54 Iomraidhean Croise

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Matiyu 9:25

Mɔgɛnu banta bɔla nya min wo, Yisa donta furi wo kuma bɔn la ka a bira a bole ma. Dunmusi ya a lasɔ.

Maraka 1:31

Yisa tara musi wo wara. A ya musi wo bole bira tumɛ min, fɛrɛma-kaliyɛ ya a boloka kelenna! A ya a dɛnbɛ a lasɔla ka wɔli-kɛ dabira anu ye.

Maraka 8:23

Yisa ya fiyɔn wo bira a bole ma ka ta a la soe kɔma. Yisa ban a da-yi kɛla a yɛ ma tumɛ min, a ya a bolenu sa a kuma ka a manyinika ko, “I ye fen yenna, wa?”

Maraka 9:27

Kɔnɔ Yisa ya dan wo bole bira ka a dɛnbɛ a lasɔla. A ya a lasɔ.

Luka 8:51

Yisa kera nyɔ tumɛ min, a ma sɔn mɔgɔ-wo-mɔgɔ ni don bɔn la a fɛ fɔ Pita anubɛ Yemesi anubɛ Yɔni anubɛ furi wo na anubɛ a fa.

Luka 8:53

Anu dama ya Yisa mayɛlɛn bawo anu ya a lɔn serr ko dennɛ wo ara faga.

Luka 8:55

A niyi sɛgira a rɔ. A ya a lasɔ tiriya! Yisa ko, “Wo ni dɔn-fen di a ma.”

Yɔni 11:43

A ya kɛ fɔ tumɛ min, a ya keleli kɛ a kulu-mayɛlɛnɛ la, a ko, “Lasarasi, i lawuli! Bɔ luyi ma!”

Yɔni 5:21

N bi nyinina niyi dila furi minnu ma, n si niyi di wonu ma iko n Fa Alla ye furinu nawulila nya min tun ka niyi di anu ma.

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.

Romu 4:17

Iko a sɛbɛnɛ Allala kitabu rɔ nya min, Alla ya a fɔ Iburayima ye ko, “N bara i ma sibolo-siyaman benba la,” ado lanyiri wo kanbalita bawo Iburayima dɛnkɛninyara Alla ma. A lanɛ a la ko Alla si furinu nawuli, ado Allata kumɛ si a ma, fan minnu sa nyɔ nun, wonu ni taran nyɔ.