Luka 8:47 - ALLALA KUMƐ

⁴⁷ Musi ara a lɔn ko a ti ke a dogonna, a yɛrɛyɛrɛnmatoe nara ka a sa Yisa kɔrɔ mɔgɛ bɛɛ yala. A ya a bole tugu Yisa la minna ko la, a ya wo fɔ a ye anubɛ a kɛndɛyara nya min tiriya!

Luka 8:47 Iomraidhean Croise

Yaburi 2:11

Wo ni wɔli Mari ye ka a gbiliya. Wo ni sewa ka kilan a la.

Yaburi 38:9

E, Mari, i ya a lɔn serr, ko n bi nyinina nna kɛndɛya-koe le ma. I ye n kurun-kan bɛɛ lamɔɛnna.

Yaburi 66:16

Wole minnu si Alla gbiliya, wo na wo tole masɔ. A ara min kɛ n ye, n si wo rakaran wo ye.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Hoseya 13:1

Fɔlɔ nun, ni Ifɛrɛm bɔnsɔn-mɔgɛnu kumara, wole Isirɛla bɔnsɔn-mɔgɛ toenu si kilan. Wo ya wo yɛ bɛn Ifɛrɛm bɔnsɔn-mɔgɛnu ma. Kɔnɔ bawo anu bara don Beyali kɔ-koe rɔ, wo le ya a ma, anu halaki-koe tɛgɛra.

Hoseya 5:3

Nde, Mari ya a lɔn Isirɛla ye nya min. Wo ti ke wo dogonna n ma. Wo ma wo telen n ye mumɛ! A ma bɛn defan, wo ni n bato.”

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Matiyu 28:8

Woletɔ anu bɔra kanbɛ dafɛ tiriya kilan anubɛ sewɛ bolo. Anu burimatoe tara a fɔ ala karan-dannu ye.

Maraka 5:33

Bawo musi ya a lɔn min kɛra a ye, a yɛrɛyɛrɛnmatoe nara kilan la a bolo ka a sa Yisa kin kɔrɔ. A ya tonyɛ bɛɛ fɔ a ye.

Luka 8:46

Kɔnɔ Yisa ko, “Mɔgɛ do ara a bole tugu n na, yɔ! N bara a lɔn bawo sɛnbɛ do ara bɔ n tɔ.”

Luka 8:48

Yisa ya a fɔ a ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ.”

Kɛwɔlɛnu 16:29

Yele-makandannɛ wo ya lɛnpu makele. A donta tiriya! A yɛrɛyɛrɛnmatoe ya a sa Pɔli anubɛ Sailasi kɔrɔ.

1 Kɔrɛnti 2:3

ado n bi wo tɛma tumɛ min, n sɛnbɛ sa nun. N fɛrɛ bɛɛ ye yɛrɛyɛrɛnna kilan bolo.

2 Kɔrɛnti 7:15

Taitala keninteyɛ tora warala wo ye kati! Wo dama ya ala kumɛ bira nya min wo, wo ya a labɛn kilan anubɛ yɛrɛyɛrɛn la nya min wo, a hɛnkili tonɛ wo bɛɛ ko.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Hiburunu 12:28

Nba, ma ni Alla tanto ka baraka bira a ye bawo a ye mansayɛ la dinkirɛ min, wo ye ma bolo. Wo ti ke bɔla a gbɛ rɔ muk! Ma ni ma raya ka a hɛnɛ a kilɛ fɛ gbiliyɛ anubɛ kilan bolo,

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”