Luka 8:32 - ALLALA KUMƐ

³² Kɔsɛnu namara tinɛ ye nyɔ wara la. Anu bi anu de-nyinina kɔnkɛ kuma. Nyinɛnu ya Yisa madiya ko a ni sɔn ko a ni anu nadon kɔsɛnu tɔ. A sɔnta anu ta-koe ma.

Luka 8:32 Iomraidhean Croise

1 Mansɛnu 22:22

Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

Yobu 1:10

Ale wo, ala denbayɛ wo, ala kolo-fannu wo, i ye anu natankala tuma-wo-tuma. Hali a ya a bole bila fenfen tɔ, ile si a ma, wo ni sabati a bolo. I wara kolo-fan minnu di a ma, wo si nyamanɛ wo lafa le.

Yobu 1:12

Mari ya a fɔ ale Setanɛ ye ko, “Tana ma wo la. Ko-wo-ko di i ye, i ni wo ma a bolo-fannu na kɔnɔ i kana ko-wo-ko ma ale Yobu nyɛrɛ la.” Setanɛ bɔra nyɔ.

Yobu 2:6

Woletɔ Mari ya a fɔ Setanɛ ye ko, “Awa, n bara a latenbi i ma. A manarangban kɔnɔ i kana a faga de!”

Yaburi 62:11

Tuma-wo-tuma, n bi a lamɔɛnna Alla bolo ko ale letan ye sɛnbɛ damasi la

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Saraka-Masɔlɛnuta Tɔnnu 11:7

Wo kana kose anubɛ kungbilan dɔn bawo hali anu kin-torenu faranɛ, anu ti dɔntɛ nunku anu dɛ rɔ.

Matiyu 7:6

“Wo kana fen-sɛnimɛ di wulinu ma bawo ala ban, anu si sɛgi wo kan ma ka wo kin. Wo kana kuru-da-gbɛlɛnu nakɛ kɔsɛnu kɔrɔ bawo anu si wonu tatɛntɛn anu kian kɔrɔ.

Luka 8:31

Nyinɛ wonu ya Yisa madiya ko a kana anu nata denka-rayan rɔ anu si tɔrɔyɛ sɔrɔn kan min.

Luka 8:33

Woletɔ nyinɛnu bɔra kei wo fɛ ka don kɔsɛnu tɔ. Kɔsɔ-wɔrɛ wo burumatoe yigira kɔnkɔ-kerikerinya la ka yigi dalɛ rɔ. Anu tora-a-rɔ yi rɔ nyɔ.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

1 Yɔni 4:4

N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.

Lankɛnimayɛ 20:7

San waga kelan wo wa ban tumɛ min, melika si Setanɛ boloka ka bɔ yele la.