Luka 8:25 - ALLALA KUMƐ

²⁵ A ya a fɔ ala karan-dan wonu ye ko, “Wola dɛnkɛninyɛ ye mi?” Kɔnɔ anu dama kilanta. Anu kawara ka a fɔ anu nyɔgɔn ye ko, “Nfen mɔgɔ-sufa ye kɛ la? A ye fɔnyɔ anubɛ yi makumala, ado wo bɛɛ ye ata kumɛ birala!”

Luka 8:25 Iomraidhean Croise

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Hɛnkilimaya-Kumɛnu 8:29

Alla ya kɔgɔ-yi-dan sa n yala le. Alla ya duninya kurukɛ n yala le.

Matiyu 14:31

Yisa ya a bole layigi tiriya ka Pita layɛlɛ. A ko, “Ila dɛnkɛninyɛ dɔgɔ kati! I sikara nfenna?”

Matiyu 17:20

Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [

Matiyu 6:30

Binyɛ don? A ye nyɔ wati-ni dɔrɔn, wo kɔma, tɛ ni a mintan. Alla ye binyɛ wo fɛrɛya bɔla. Alla ti to wole fanan fɛrɛya bɔla wo nya na, wa? Wola dɛnkɛninyɛ dɔgɔ de!

Matiyu 8:10

Yisa ya wo lamɔɛn tumɛ min, a kawara. A ya a fɔ a gba-fɛ-bilalɛnu ye ko, “Wo ni wo hɛnkili to kɛ ko! N ma kɛ-nyɔgɔn-dɛnkɛninyɛ yen mɔgɔ-wo-mɔgɔ bolo Isirɛla mɔgɛnu tɛma.

Matiyu 8:26

Yisa ya a fɔ anu ye ko, “Wo kilannɛ nfenna? Wola dɛnkɛninyɛ ma kolo mumɛ!” Wo kɔma, a ya a lasɔ ka fɔnyɔ anubɛ yi makuma. Fɔnyɔ anubɛ yi wo sigira-a-la don!

Maraka 4:35

Wurɛ wo la, Yisa ya a fɔ ala karan-dannu ye ko, “Ma tenbi wona dalɛ kɔgɔma.”

Luka 12:28

Binyɛ don? A ye tola wati-ni dɔrɔn, wo kɔma tɛ ni a mintan. Alla min bi binyɛ wo fɛrɛya bɔla, a ti wole fanan fɛrɛya bɔ wo nya na, wa? Wola dɛnkɛninyɛ dɔgɔ de!

Luka 8:24

Karan-dannu nara Yisa wara ka a lakunden ko, “Karan-mɔgɔ, karan-mɔgɔ! A ara to doni, ma ni faga.” Yisa ya a lasɔ ka fɔnyɔ anubɛ yi makuma. Anu makimɛra don!

Luka 8:26

Anu tenbira ha Kadara kɛnuna nyamanɛ rɔ min bi Kalili dalɛ kɔgɔma.

Yɔni 11:40

Yisa ya a fɔ a ye ko, “N ma a fɔ i ye nun ko ni i dɛnkɛninyara, i si Allala gbiliyɛ yen?”