Luka 8:16 - ALLALA KUMƐ

¹⁶ “Mɔgɔ-wo-mɔgɔ ti lɛnpu lamalan ka bɔnku-dagɛ burun a kun na. A ti a ladon sa-fan kɔrɔ fanan. Kɔnɔ a si a sigi tebulu kuma. Mɔgɛnu ba don bɔn la tumɛ min, anu si waan yen.

Luka 8:16 Iomraidhean Croise

Luka 11:33

“Mɔgɔ ti lɛnpu lamalan ka a dogon. A ti gbengberan burun a kuma fanan kɔnɔ a si a sigi tebulu kuma, woletɔ mɔgɛnu ba don, anu si waan yen.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 11:4

Nɛbi filɛ wonu, ɔlifi-kɔlɔma filɛ anubɛ lɛnpu filɛ le wonu na. Kɛnu denu sɔnɛ Duninya-Mumɛ-Tigi-Mari yakɔrɔ.