Luka 8:15 - ALLALA KUMƐ

¹⁵ Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Luka 8:15 Iomraidhean Croise

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Yɛrɛmaya 15:16

I kumara n ye tumɛ min, n ya n tole masɔ a kin na! Ila kumɛ ara a diya don n tɔ. N sewanɛ bawo mɔgɛnu bi n kelela ko ile Mari Sɛnbɛ-Bɛɛ-Tigita mɔgɛ.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Matiyu 24:13

Kɔnɔ min si a munyu ha ala ban, wo si kisi,

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Luka 6:45

Mɔgɔ-nyimɛ si ko-nyimɛ labɔ a yisi rɔ. Mɔgɔ-yogomɛ si ko-yogomɛ labɔ a yisi rɔ, ado mɔgɔ yisi fanɛ min na, a dɛ ye wo le fɔla.

Luka 8:14

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya hɔn-koe anubɛ nɔnfulu-keni anubɛ duninya diyana-ko-su bɛɛ ya a ma, kumɛ wo fagara a yisi rɔ feu! Ko ti bɔ ala dɛnkɛninyɛ rɔ hali!

Luka 8:16

“Mɔgɔ-wo-mɔgɔ ti lɛnpu lamalan ka bɔnku-dagɛ burun a kun na. A ti a ladon sa-fan kɔrɔ fanan. Kɔnɔ a si a sigi tebulu kuma. Mɔgɛnu ba don bɔn la tumɛ min, anu si waan yen.

Yɔni 14:15

“Ni nde di wo ye, wo si nna kumɛnu bira.

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Romu 7:18

N ya a lɔn ko ko-nyima wo ko-nyima sa nta hadama-denyɛ rɔ, ado hali ko-nyimɛ kɛ-sɔgɛ ye n na, n ti ke a mala.

Romu 7:4

N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye.

Romu 8:25

Kɔnɔ ma ma min yen bɛ, ni ma ya ma yili-madiyɛ sa wo kuma, ma si ma munyu ha ma ni a sɔrɔn.

1 Kɔrɛnti 7:19

N bi wo fɔla bawo kemininyɛ wo, kemininyabɛliyɛ wo, dan-nafara wo dan-nafara sa wo la Alla yala bawo Allata tɔn-birɛ, wo le kolo.

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

Yemesi 1:4

Wo ni a lɔn serr, ko wola munyɛ wo da wa fa, do si sa wola sɔn-nyimayɛ kuma alako wo da ni fa feu!

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!