Luka 8:1 - ALLALA KUMƐ

¹ Wo kɔma, Yisa tagamanta so-wɛnu anubɛ so-nɛnu tɔ ka Allala mansaya kibara-nyima-kawandili bɔ. Karan-den tan-ni-filɛ wonu bilara a fɛ.

Luka 8:1 Iomraidhean Croise

Matiyu 11:1

Yisa banta a sarala ala karan-den tan-ni-filɛ la tumɛ min, a bɔɛ nyɔ, a tara Kalili nyamanita soenu tɔ ka mɔgɛnu karan anubɛ ka kawandili bɔ.

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Matiyu 9:35

Nba, Yisa tara so-wɛnu anubɛ so-mɛsɛnu tɔ. A ya mɔgɛnu kɔndɔn ka anu karan Yahudiya-dina-bɔnnu na. A ya kibara-nyimɛ kawandili bɔ ka kiraya-sufa bɛɛ lakɛndɛya mɔgɛnu na.

Maraka 1:39

Woletɔ a tara Kalili sigisɔn bɛɛ rɔ. A ya kawandili bɔ Yahudiya-dina-bɔnnu na ka nyinɛnu gben mɔgɛnu fɛ.

Luka 1:80

Dan wo koloyara ka sɛnbɛ sɔrɔn Alla wara-koe rɔ. A tora wula-da-rakolɔn rɔ ha a bɔ tumɛ kera gbɛ rɔ Isirɛla mɔgɛnu ye tumɛ min.

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Luka 9:6

Karan-dannu tagamanta so-mɛsɛ bɛɛ rɔ ka kibara-nyimɛ-kawandili bɔ anubɛ ka mɔgɛnu dandan kan tinɛ wo bɛɛ rɔ.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 13:32

“Ma ara na kibara-nyimɛ wo la wo ye. Alla ya lanyiri min kiri ma benbanu ye,

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”