Luka 7:7 - ALLALA KUMƐ

⁷ A ko ale ma sɛninya ka na ke i ma. Hali i kumara le dɔrɔn, ala wɔli-kɛlɛ si kɛndɛya!

Luka 7:7 Iomraidhean Croise

Yaburi 107:20

A ya anu nakɛndɛya ata kumɛ la. A ya anu nakanan sayɛ le ma.

Yaburi 33:9

A kumara le dɔrɔn, duninya danta. A kuman-kan ya a ma, duninyama-fan bɛɛ bɔra gbɛ rɔ.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Maraka 1:27

Mɔgɛ bɛɛ kawara ha anu ya a fɔ anu nyɔgɔn ye ko, “Nfen bi kɛ la? Karan-kurɛ do le, wa? Sɛnbɛ ye kei kɛ bolo hali ka kuma nyina-yogomɛnu ma, anu ni ala kumɛ bira.”

Luka 4:36

Mɔgɛ bɛɛ kawara ka a fɔ anu nyɔgɔn ye ko, “Nfen kuma-sufa ye kɛ la? Kei kɛ ara kuma nyina-yogomɛnu ma sɛnbɛ anubɛ fanka la. Anu bi bɔla anu fɛ.”

Luka 5:13

Yisa ya a bole sa a kuma. A ko, “N bara sɔn i lakɛndɛya-koe ma!” Kirayɛ wo ya a boloka kelenna!

Luka 7:6

Yisa bilara anu fɛ. A gbɛrɛnta bɔn ma tumɛ min, kun-tigi wo ya a diyana-mɔgɛ donu nata a wara ka a fɔ a ye ko, “N fa, ma diyana-mɔgɛ ko i kana i nyɛrɛ tɔrɔ. A ko a ma bɛn, ile ni i salɛ ladon ale sufala bɔn la.

Luka 7:8

Ale fanan bi kun-tigi donuna sɛnbɛ kɔrɔ. Kɛlɛ-dan donu bi ale kɔrɔ. A ko a wa a fɔ do ye ko, ‘Ta!’ A si ta. A wa a fɔ do ye ko, ‘Na!’ A si na. A wa a fɔ ala yɔɔn do ye ko, ‘Kɛ ma!’ A si wo ma.”

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

1 Samuwɛli 2:6

Mari le si mɔgɛnu faga, ado ale le si niyi bila mɔgɛnu tɔ. Ale si mɔgɛnu nata lakira, ado ale fanan si anu nabɔ nyɔ.